Kampionati Ultimate Fighting (UFC) do t’u paguajë bonuse luftëtarëve për eventin e arteve marciale që do të mbahet sot në Shtëpinë e Bardhë në kriptomonedhë të lëshuar nga një biznes familjar i Trump.
Luftëtarët do të marrin bonuse në kriptomonedhën e World Liberty Financial të quajtur stablecoin, vlera e së cilës është e lidhur me dollarin amerikan.
World Liberty është një biznes i familjes Trump dhe familjes së Steve Witkoff, mikut të Trump dhe të dërguarit special në Lindjen e Mesme dhe Ukrainë. Kompania tani është e listuar si një “sponsor zyrtar” i eventit UFC Freedom 250, ndeshja e planifikuar për të dielën.
Sot, 14 qershor, është gjithashtu ditëlindja e Donald Trump.
Ky zhvillim, siç komenton Guardian, lidh interesat financiare të familjes Trump me UFC që promovohet në një hapësirë publike.
Përdorimi i stablecoin nga kompania në garë duket se forcon përpjekjet për ta bërë atë më të përdorur gjerësisht.
Zëdhënësi i Shtëpisë së Bardhë, Davis Ingle, tha, megjithatë, se nuk kishte konflikt interesi dhe se asetet e Trump mbahen në një trust të menaxhuar nga fëmijët e tij.
Gara nuk është e lidhur me Freedom 250, një organizatë e veçantë që promovon 250-vjetorin e vendit.
World Liberty Financial, është një biznes kriptomonedhash me seli në Delaware, i bashkëthemeluar nga Donald Trump dhe djemtë e tij së bashku me djemtë e Witkoff.
