Një aksident i rëndë mes dy mjeteve lundruese ka ndodhur në zonën e Rrjollit në Velipojë. Si pasojë, një 25 vjeçari Klaus Gjergji ka humbur jetën, ndërsa Uran Marku është plagosur rëndë dhe është transportuar në spitalin e Lezhës. Sipas të dhënave, të dy të rinjtë janë nga zona e Bërdicës. Ata ishin nisur për në det të hapur nga bregu i Velipojës.
Ky është incidenti i dytë i rëndë me mjete lundruese brenda 24 orëve në vend.
Një ditë më parë, në Liqenin e Komanit, dy varka turistike u përplasën teksa transportonin pushues drejt Lumit të Shalës. Si pasojë mbetën të plagosur lehtë pesë persona, mes tyre një turist i huaj, ndërsa shkaku paraprak u dyshua të ishte shpejtësia e lartë.
Lajmi në përditësim
