Në një dalje për mediat kreu i PD Sali Berisha u ndal te deklaratat e kryeministrit Edi Rama të bëra një ditë më parë lidhur me komentet që bëhen për shtrembërimin e hundës së tij.
Berisha i ka kujtuar se agresori u arrestua dhe se sipas kreut të PD ishte kryeministri Rama ai që nuk e ndoqi procesin gjyqësor.
“Viktimizon veten për një incident që kishte këto sqarime. Agresori u arrestua, por ishte Edi Rama që nuk e ndoqi. Nuk ndoqi gjyqin dhe procesin gjyqësor. U pajtua apo kishte arsye të tjera nuk e di. Ai deklaroi se aty ku ishte në atë dhomë ishte me një burrë tjetër. Nuk të lë ky pa ia nxjerr të gjitha ishte me emër dhe mbiemër…Nuk të lë ky, por e vërteta është me dëshmitar, se ishte në dhomë nuk ishte vetëm. Po të dojë ia them edhe emrin se me kë ishte, meqë përpiqet ta faturojë dhe ta politizojë. Ndaj nuk qenë të paktë ata që e quajtën krim pasioni, këtë akt që unë e dënova me forcën më të madhe. Është arrestuar autori se si apo çfarë pazaresh bëri ajo, apo çfarë raportesh kishte. Pas 30 vitesh mashtron qytetarët se ja kush më ka thyer hundën mua. Tregojë të vërtetën siç është. Unë do e tregoj, edhe pse e kam treguar pjesërisht. Këto që thash janë 100% të vërteta. Nuk them se ishte krim pasioni apo jo, por ato se çfarë thonë të tjerët, por Edi Rama refuzoi të ndjekë procesin gjyqësor. Kjo është historia e tij, që do të ngjallë dhembshuri, empati”, tha ai.
Pjesë nga fjala e Berishës;
I zhytur në mjete luksoze, duke shmangur konferencën e shtypit, se nuk ia mban të dalë para gazetarëve, filloi të viktimizojë veten për një incident, për të cilin bëj këto sqarime.
Së pari, agresori u arrestua, por ishte Edi Rama që nuk e ndoqi, megjithëse kishte qeverinë e vet, nuk ndoqi gjyqin dhe procesin gjyqësor.
U pajtua apo kishte arsye të tjera, unë nuk e di.
Së dyti, me përgjegjësi të plotë deklaroj se ai, aty ku ishte, në atë dhomë, ishte me një burrë tjetër. Nuk të lë ky pa i nxjerrë të gjitha.
Dhe ai ka emër dhe mbiemër. Se pse ishin, atë nuk e di, jo, nuk e them.
Por e vërteta është me dëshmitarë se ai nuk ishte vetëm në dhomë. Jo, nuk ishte vetëm.
Po të dojë, ia them edhe emrin se me kë ishte, megjithëse përpiqet ta faturojë dhe ta politizojë.
Ndaj dhe, nuk qenë të paktë ata që e quajtën krim pasioni këtë akt, që unë e dënova me forcën më të madhe.
E kam dënuar me forcën më të madhe.
Është arrestuar autori.
Por se çfarë pazaresh bëri ai apo çfarë raportesh kishte me Edi Ramën, atë nuk e di.
Dhe tani merr, pas 30 vitesh mashtron qytetarët se ja kush më ka thyer hundën mua.
Tregoje të vërtetën siç është, megjithëse e kam treguar pjesërisht, por këto që thashë, këto janë 100 përqind të vërteta.
Nuk them se ishte krim pasion apo nuk ishte krim pasioni, unë them se çfarë thonë të tjerët.
Por them se Edi Rama refuzoi të ndjekë procesin gjyqësor, ndonëse de facto ata ishin në pushtet.
Kjo është historia e tij, që përpiqet të mashtrojë, të bëjë viktimën, të nxisë, të ngjallë dhembshuri, empati, etj, etj, për gjëra të cilat janë jashtëzakonisht të paqarta.
