Palaçinka mesdhetare
Përbërësit për krepat:
- 500 ml qumësht
- 250 gr miell
- 2 vezë
- 50 gr gjalpë
- Pak kripë
Për mbushjen:
- 1 qepë e grirë
- 2 thelpinj hudhër
- 2 lgj vaj ulliri
- 1 patëllxhan i vogël
- 1 spec i kuq
- 4 domate në kubikë
- 1 lgj salcë domatesh
- 1 lgj majdanoz i grirë
- 2 lk trumzë e grirë
- Kripë dhe piper
- 25 gr gjalpë i shkrirë
- 3 lgj djathë kaçkavall i grirë
Përgatitja:
Fillimisht përgatisni brumin e krepave. Lyejeni një tigan me pak vaj dhe ngroheni mirë. Hidhni pak brumë dhe përhapeni në shtresë të hollë. Skuqeni për rreth 1 minutë, kthejeni dhe piqeni edhe 30 sekonda. Përsëriteni derisa të bëni rreth 12 krepa. Përgatisni mbushjen: ngrohni vajin e ullirit në tigan, skuqni qepën për 5 minuta duke e përzier. Më pas shtoni hudhrën, patëllxhanin dhe specin, gatuani rreth 10 minuta. Shtoni domatet, salcën, majdanozin, trumzën, kripën dhe piperin. Mbulojeni dhe lëreni të ziejë për 15 minuta. Vendosni pak mbushje në çdo krep dhe rrotullojeni. Vendosini në një tavë të lyer lehtë me vaj. Sipër hidhni gjalpin e shkrirë dhe djathin dhe piqini në furrë të parangrohur në 190°C për 15 minuta.
