Sekretarja e Shtypit e Shtëpisë së Bardhë, Karoline Leavitt ka reaguar pas të shtënave me armë gjatë darkës së Trump me gazetarët në Uashington.
Në një postim në platformën X, Leavitt tha se situata u “rrëmbye nga një person i çmendur dhe i shthurur që synonte të vriste Presidentin dhe sa më shumë zyrtarë të lartë të administratës Trump të ishte e mundur”.
Ajo shtoi se ndodhej prapa skenës me presidentin kur Shërbimi Sekret i shoqëroi me shpejtësi drejt sigurisë.
Sipas saj, presidenti ishte “vërtet i patrembur” gjatë gjithë ngjarjes.
Leavitt përsëriti gjithashtu deklaratën e Donald Trump se “kjo dhunë politike duhet të marrë fund” dhe falënderoi forcat e rendit për punën e tyre në garantimin e sigurisë.
