Kreu i Bankës Botërore në Shqipëri, Massimiliano Paolucci tha sot se ekonomia e Shqipërisë ka qenë e qëndrueshme por duhet të përdorë momentumin për të përshpejtuar reformat.

Gjatë konferencës për prezantimin e raportit ekonomik rajonal, Palucci tha se sfidat e Shqipërisë qëndrojnë në investimin në kapitalin human, me qëllim rritjen e produktivitetit dhe mbështetjen e rritjes ekonomike.

Read more (ekonomia):Firmoset marrëveshja për anijet ushtarake shqiptare, Nufi: 400 të punësuar, do të prodhojmë për vete dhe për eksport

“Rritja ekonomike e Shqipërisë parashikohet të ngadalësohet, sepse çmimet më të larta të energjisë dhe ndërprerjet e tregtisë të lidhura me situatën në Lindjen e Mesme po ndikojnë negativisht në fuqinë blerëse. Ruajtja e trendit të rritjes ekonomike, në kushtet kur fuqia punëtore po tkurret, kërkon mobilizimin e kapitalit njerëzor të pashfrytëzuar, përmes reformimit të skemave të përfitimeve, lehtësimit të kufizimeve për kujdesin ndaj fëmijëve, forcimit të formimit profesional, dhe zgjerimit të punësimit për të rinjtë dhe gratë” tha ai.

Në projeksionin e saj për Shqipërinë, Banka Botërore thotë se rritja e ekonomisë shqiptare është mbështetur nga sektorët e shërbimeve dhe ndërtimit, veçanërisht turizmi.

Read more (Banka Botërore):Banka Botërore Zbardh Parashikimet: Rritja Ekonomike e Shqipërisë Moderohet, Ballkani Perëndimor Nën Kthetrat e Inflacionit dhe Stagnacionit

Megjithatë, sipas saj, inflacioni mbeti nën objektivin e Bankës së Shqipërisë, ndërsa borxhi publik vijoi rënien, duke zbritur në 53.2 për qind të PBB-së në fund të vitit 2025.

Read more (Banka):Ia refuzuan qasjen në llogarinë e saj, burri nga India nxjerrë nga varri trupin e motrës dhe e çon në bankë për të vërtetuar se ajo është e vdekur

“Shqipëria po krijon lidhje të reja tregtare për eksportin e mallrave në nivele të krahasueshme me vendet e rajonit. Megjithëse këto zgjasin më shumë se në vendet e tjera të Ballkanit, shumica mbeten afatshkurtra – vetëm 36 për qind mbijetojnë vitin e parë dhe vetëm 4 për qind zgjasin mbi pesë vjet. Papunësia pësoi rënie, por kjo kryesisht pasqyron tkurrjen e fuqisë punëtore për shkak të emigracionit dhe plakjes së popullsisë, sesa një rritje të fortë të punësimit. Shqipëria mbetet një ndër vendet e rajonit me emigrimin më të lartë për frymë dhe ata që qëndrojnë përballen me pengesa të vazhdueshme në tregun e punës. Kujdesi dhe përgjegjësitë familjare mbajnë gratë jashtë këtij tregu, veçanërisht grupmosha 25-54 vjeç, ndërsa papunësia tek të rinjtë është në nivelin 21.5 për qind, mbi mesataren e BE-së që është 14.7 për qind. Ekonomia e Shqipërisë vijon të tregojë qëndrueshmëri, por ruajtja e këtij momenti kërkon reforma të guximshme strukturore. Rruga përpara është e qartë: përshpejtimi i reformave drejt anëtarësimit në BE, më shumë investime në kapitalin njerëzor dhe infrastrukturën digjitale, si dhe mobilizimi i kapitalit privat do të nxisë investimet, krijojë vende pune dhe përshpejtojë konvergjencën me BE-në” thuhet në raport.