Administrata e Donald Trump po përgatitet për një bllokadë të zgjatur ndaj Iranit.
Sipas raportimit të The Wall Street Journal, që citon zyrtarë amerikanë, Trump u ka kërkuar ndihmësve të tij të planifikojnë një strategji afatgjatë për rritjen e presionit ndaj Teheranit.
Në takimet e fundit, ai ka theksuar se bllokada e porteve iraniane është opsioni i preferuar, në një kohë kur bisedimet për paqe kanë ngecur dhe situata në Ngushtica e Hormuzit mbetet e tensionuar.
Burimet bëjnë me dije se Trump i konsideron alternativat e tjera, si rifillimi i bombardimeve apo tërheqja nga konflikti, më të rrezikshme krahasuar me vijimin e bllokadës.
Ndërkohë, ushtria amerikane ka ndërmarrë masa konkrete në terren. Që prej 13 prillit, anijet janë bllokuar nga hyrja dhe dalja në portet iraniane, pas dështimit të kontakteve direkte me udhëheqjen e vendit.
Zhvillimet e fundit sinjalizojnë një përshkallëzim të mëtejshëm të tensioneve në rajon, me pasoja të mundshme për sigurinë dhe tregtinë globale të energjisë.
