Kriza brenda kampit të Napoli po thellohet, ndërsa marrëdhënia mes trajnerit Antonio Conte dhe presidentit Aurelio De Laurentiis ka arritur në një pikë kritike, duke vënë seriozisht në dyshim vazhdimësinë e teknikut në stol.
Tensionet ‘shpërthyen’ pas disa deklaratave publike të presidentit nga SHBA, të cilat janë interpretuar nga Conte si mungesë respekti ndaj punës dhe rolit të tij në skuadër. Trajneri italian, i njohur për disiplinën dhe kërkesën për unitet absolut, nuk i ka pritur mirë as komentet që lidhen me një largim të mundshëm drejt një kombëtareje (Italisë).
Read more (Napoli):“Më zhgënjeu shumë”, Conte flet për raportin e pazakontë me Lukakun
Nga ana tjetër, edhe Aurelio De Laurentiis nuk e fsheh pakënaqësinë, duke vlerësuar se investimet e mëdha të bëra nuk janë shoqëruar me harmoninë e pritur brenda klubit.
E kaluara e Antonio Contes tregon qartë se ai nuk bën kompromise kur bëhet fjalë për besimin dhe autoritetin, çka shton gjasat për një ndarje të parakohshme. Në këtë skenar, drejtuesit e klubit kanë nisur të shqyrtojnë alternativa si Vincenzo Italiano dhe Gian Piero Gasperini.
Read more (Antonio conte):Napoli i jep gjobë të madhe Romelu Lukakut – tani largimi në fund të sezonit gjithnjë e më i mundshëm
Një takim sqarues pritet në ditët në vijim pasi ekipi të ketë siguruar matematikisht zonën Champions, por klima në ambientet e klubit mbetet e tensionuar. Ky ngërç rrezikon të ndikojë drejtpërdrejt në projektin sportiv të napolitanëve për sezonin e ardhshëm.
