Të paktën 17 lëkundje tërmeti janë regjistruar pranë Zonës 51 në Nevada gjatë 24 orëve të fundit, duke ngjallur shqetësime dhe spekulime për aktivitet të mundshëm nëntokësor.
Read more (Tërmeti):Hapet Muzeu Arkeologjik i Durrësit, kryeministri Rama mbërrin për ceremoninë e inaugurimit
Sipas Shërbimit Gjeologjik të SHBA-së (USGS), tërmeti më i fortë ka arritur magnitudën 4.4 ballë dhe është regjistruar në një thellësi shumë të cekët, rreth 4 kilometra nën sipërfaqe.
Zona e prekur ndodhet pranë Area 51, një rajon i njohur për praninë ushtarake dhe aktivitetet e kufizuara publike, gjë që ka shtuar edhe më shumë spekulimet rreth shkakut të dridhjeve.
Gjeofizikani Stephen Burns e ka cilësuar vendndodhjen si “të pazakontë për tërmete”, duke theksuar se rajoni zakonisht nuk shfaq aktivitet të lartë sizmik krahasuar me zona të tjera të SHBA-së. Sipas tij, si tërmetet natyrore ashtu edhe shpërthimet nëntokësore mund të prodhojnë sinjale të ngjashme sizmike, veçanërisht kur energjia lirohet në thellësi të cekëta.
Megjithatë, ai theksoi se skenari më i mundshëm mbetet aktiviteti natyror sizmik, edhe pse të dhënat kanë disa pasiguri që e bëjnë fenomenin “të denjë për diskutim”.
Lëkundja më e fundit është regjistruar të enjten pasdite në orën 12:43 sipas orës lokale, ndërsa më shumë se 100 persona kanë raportuar se i kanë ndier dridhjet. Zona përreth është e populluar kryesisht nga personel ushtarak, kontraktorë dhe punonjës që operojnë në bazë.
Read more (Shba):Mbërrin në Vlorë një ‘delegacion’ amerikan, do vizitojnë zonën ku përflitet se do të investojë Ivanka Trump
