Kryeministri i Izraelit, Benjamin Netanyahu, ka reaguar ndaj komenteve për shëndetin dhe moshën e tij duke publikuar një video nga palestra, ku shfaqet duke u stërvitur.
Videoja erdhi pas deklaratave të ish-kryeministrit Naftali Bennett, të cilat ngritën pikëpyetje mbi gjendjen fizike të liderit 76-vjeçar.
Në pamjet e publikuara, Netanyahu shihet duke bërë ushtrime fizike, ndërsa u drejton një mesazh të rinjve për rëndësinë e aktivitetit fizik dhe kujdesit për shëndetin. Ai ndau gjithashtu edhe rutinën e tij ushqimore pas stërvitjes.
לאחר שראש הממשלה לשעבר נפתלי בנט התייחס לגילו ומצבו הבריאותי של ראש הממשלה, בנימין נתניהו משיב בסרטון משלו
Read more (Benjamin netanyahu):Akuzat për plaçkitje dhe dëmtim të pronës nga ushtarët izraelitë në Liban, reagon IDF-ja: Nuk përputhen me vlerat tona
נתניהו תיעד את עצמו מתאמן בחדר הכושר, העביר מסר לצעירים, ואף חשף מה הוא אוכל לאחר האימון
📸: עמוד האינסטגרם של רה”מ נתניהו pic.twitter.com/3zKIM6CwFN
Reagimi vjen pak ditë pasi vetë Netanyahu bëri publike se i ishte nënshtruar trajtimit për një tumor malinj në prostatë, i zbuluar në fazë shumë të hershme. Sipas tij, ndërhyrja ka qenë e suksesshme dhe gjendja shëndetësore është e mirë.
Ai sqaroi se problemi u zbulua gjatë një kontrolli rutinë pas një operacioni të mëparshëm për hipertrofi beninje të prostatës në fund të vitit 2024.
Read more (Video):Mazda ka prezantuar versionin e përditësuar të modelit më të vogël
Kryeministri izraelit theksoi se vendosi të ndërhyjë menjëherë, edhe pse kishte mundësi për ndjekje pa trajtim të menjëhershëm. “Jam i shëndetshëm, në formë të mirë fizike dhe tumori është trajtuar plotësisht,” u shpreh ai.
Sipas vlerësimit të fundit mjekësor, të gjitha analizat e gjakut dhe testet fizike të Netanyahu rezultojnë brenda normave, ndërsa funksioni kardiak mbetet i qëndrueshëm, pa probleme që nga vendosja e një stimuluesi kardiak në vitin 2023.
Ai pranoi gjithashtu se e kishte shtyrë publikimin e diagnozës për disa javë, për të shmangur, sipas tij, përdorimin e saj për qëllime propagandistike nga Irani.
