Mbrojtësi i Inter Miamit, Ian Fray, ka zbuluar detaje nga fjalimi i Lionel Messit pas ndeshjes, pas humbjes dramatike ndaj Orlando Cityt në MLS.
Skuadra nga Florida u mposht 4-3 në “Nu Stadium” më 2 maj 2026, ndonëse kishte një epërsi bindëse 3-0 deri në minutën e 33-të. Megjithatë, Orlando City realizoi një përmbysje historike, duke u bërë vetëm ekipi i katërt në historinë e MLS që fiton një ndeshje pasi ka qenë në disavantazh prej tre golash.
Pas takimit, Messi – si kapiten – iu drejtua bashkëlojtarëve, duke e quajtur rënien e ekipit të papranueshme.
Read more (Inter miami):“Ëndërr të luash kundër tij”, Adri Mehmeti rrëfen emocionet, flet për debutimin, golin dhe përballjen kundër Lionel Messit
“Kapiteni ynë foli dhe, natyrisht, na tha shumë gjëra. Na inkurajoi për ndeshjen e radhës dhe tha se kjo është e papranueshme”, deklaroi Fray për mediat.
Mbrojtësi theksoi se skuadra ishte plotësisht në një mendje me Messin dhe se një kolaps i tillë nuk duhet të përsëritet.
Read more (Inter):Ylli i Liverpoolit i gatshëm ta kompletojë transferimin te Interi në verë
“Të gjithë u pajtuam me të, është e papranueshme dhe me siguri nuk do të ndodhë më”, shtoi ai.
Humbja i ka zgjatur serinë negative të Inter Miamit në stadiumin e ri në katër ndeshje pa fitore./Telegrafi/
