Një 35-vjeçar ka mbetur i plagosur me thikë pas një sherri të ndodhur në një lavazh në lagjen “15 Tetori” në Fier. I plagosuri është identifikuar si Eldi Gremi, i cili është paraqitur për ndihmë mjekësore në Spitalin Rajonal të Fierit rreth orës 11:40 të së dielës
Sipas policisë, ai dyshohet se është goditur me mjet prerës nga një shtetas ende i paidentifikuar, pas një konflikti që ka degraduar në dhunë. 35-vjeçari ndodhet në spital, jashtë rrezikut për jetën.
Read more (Fier):Parku inteligjent i bletëve rrëmben çmimin e parë në Festivalin e Shkencës
Ndërkohë, autori është larguar nga vendi i ngjarjes, ndërsa shërbimet e Policisë po punojnë për identifikimin dhe kapjen e tij, si dhe për zbardhjen e plotë të rrethanave.
Read more (spital):Plagoset me thikë 23-vjeçari në Vlorë, dërgohet me urgjencë në spital
Njoftimi i Policisë së Shtetit
“Fier/ Informacion paraprak/ Rreth orës 11:40, në spitalin rajonal të Fierit është paraqitur për ndihmë mjekësore shtetasi E. G., 35 vjeç, i cili dyshohet se është plagosur me mjet prerës thikë nga një shtetas ende i paidentifikuar. Shërbimet e Policisë po punojnë për identifikimin dhe kapjen e autorit si dhe për sqarimin e plotë të rrethanave të rastit.”
