Dalin detaje të reja në drita nga skandali në JP Moran Chase, ku drejtuesja ekzekutive, shqiptarja Lorna Hajdini u akuzua për ngacmim seksual ndaj një ish-punonjësi.
Chirayu Rana, 35 vjeç, ish-bankier në JPMorgan Chase, pretendon se Hajdini e kishte droguar dhe e kishte detyruar në akt seksual, duke kërcënuar karrierën e tij. Ai dorëzoi padinë më 28 prill 2025 në Gjykatën Supreme të Nju Jorkut nën pseudonimin “John Doe”.
Read more:Rebel Wilson në gjyq: Pretendimet se kam keqtrajtuar gratë në xhirime janë të pavërteta
Por burime të New York Post tregojnë se Rana kishte gënjyer kompaninë për një çështje personale, duke pretenduar se babai i tij ishte i sëmurë rëndë për të marrë gati tre muaj leje të paguar, të cilën e përdori për të përgatitur padinë kundër Hajdinit. Ai kishte marrë leje të ndryshme midis dhjetorit 2024 dhe majit 2025, duke u lejuar edhe të punonte nga distanca.
Lorna Hajdini, 37 vjeç, mohon çdo akuzë. Avokatët e saj deklaruan “Lorna i mohon kategorikisht akuzat. Ajo nuk ka qenë kurrë e përfshirë në ndonjë sjellje të papërshtatshme me këtë individ dhe nuk ka qenë kurrë në vendin ku supozohet të ketë ndodhur sulmi seksual i dyshuar.”
Read more:Ndalohet një person, dyshohet për ngacmim dhe detyrim
Hetimet pritet të vazhdojnë ndërsa media dhe publiku presin zhvillime të reja mbi këtë çështje që ka tronditur komunitetin financiar dhe jo vetëm.
