Interesi për Anthony Gordon po rritet ndjeshëm në tregun e transferimeve, me disa nga klubet më të mëdha evropiane që janë futur në garë për shërbimet e tij.
Sipas raportimeve nga “Sky”, Bayern Munich ka bërë tashmë hapin e parë konkret duke i dërguar përfaqësuesve të lojtarit një draft-kontratë pesëvjeçare, ku janë përcaktuar edhe detaje për pagën dhe bonuset.
Megjithatë, marrëveshja me lojtarin nuk pritet të jetë problem, ndërsa pengesa kryesore mbetet çmimi i lartë i kërkuar nga Newcastle United.
Read more:Arteta po planifikon rikthimin befasues të ish-lojtarit të Arsenalit – dikur kanë luajtur së bashku
Klubi anglez raportohet se kërkon deri në 90 milionë euro për kartonin e sulmuesit, një shifër që Bayern nuk dëshiron ta tejkalojë për të mos shkelur kufijtë e vetëvendosur financiarë. Për këtë arsye, drejtuesit e klubit gjerman janë duke shqyrtuar edhe alternativa të tjera në merkato.
Situata bëhet edhe më e komplikuar nga interesi i Barcelona, e cila gjithashtu ka nisur të mbledhë informacione për Gordonin përmes drejtorit sportiv Deco. Sulmuesi anglez konsiderohet si një nga opsionet për të përforcuar repartin ofensivë të katalanasve gjatë verës.
Read more:“Harry Kane, lider absolut i Bayern Munich” – gazetari Shkumbin Pireva i jep shumë merita anglezit
Megjithatë, edhe për Barcelonën çmimi i vendosur nga Newcastle mbetet një sfidë e madhe financiare, duke e bërë këtë garë transferimi të hapur dhe të komplikuar mes tre klubeve.
E ardhmja e Anthony Gordon pritet të jetë një nga temat më të nxehta të merkatos së verës në Evropë./Telegrafi/
