Sekretari amerikan i Shtetit, Marco Rubio do të takohet të enjten me papa Leonin e XIV për një bisedë të hapur e të sinqertë, siç u pohua nga ndihmësit e tij.
Takimi që u konfirmua edhe nga zyra e shtypit e Selisë së Shenjtë, vjen vetëm pak javë nga sulmi i paprecedent i presidentit amerikan Donald Trump ndaj kreut të Kishës Katolike. Gjatë ndalesës dy ditore, kreu i diplomacisë amerikane do të takohet gjithashtu me sekretarin e Shtetit të Vatikanit, Pietro Parolin, si dhe me ministrin e jashtëm italian dhe zv/kryeministrin Antonio Tajani.
Read more:Foto e fundit me Al e ndarë nga Trump – i buzëqeshur në pishinë duke shijuar rrezet e diellit
The Guardian shkruan se udhëtimi, sipas disa raportimeve, ka për qëllim të zbusë disi marrëdhëniet e ftohura të Uashingtonit me Romën dhe Selinë e Shenjtë. Një burim nga Ministria e Jashtme italiane pohoi për median prestigjoze se Rubio ka kërkuar gjithashtu të takohej edhe me kryeministren italiane, Giorgia Meloni, por kërkesa ende nuk ishte miratuar.
Trump e kritikoi pak kohë më parë Papën për arë që e cilësoi përbuzje të tij ndaj luftës SHBA-Izrael në Iran. Presidenti e të dobët dhe tha se ai nuk po bënte një punë shumë të mire në detyrën e tij. Më pas, Trump shpërndau dhe një imazh të gjeneruar nga AI ku e paraqiste veten si Jezu Krishtin, përpara se ta fshinte dhe të deklaronte se në të vërtetë bëhej fjalë për një portret të tijin si mjek.
Read more:A ka kaluar ndonjë anije Ngushticën e Hormuzit gjatë 'Projektit Liria'?
Zv/presidenti amerikan, JD Vance, gjithashtu kritikoi Papën, duke thënë se Vatikani duhet të “merret me çështje të moralit” dhe se Leoni duhet të jetë i kujdesshëm kur flet për teologjinë dhe luftën.
