Rusia ka njoftuar se do të zbatojë në mënyrë të njëanshme një armëpushim në Ukrainë më 8 dhe 9 maj, në kuadër të festimeve për fitoren në Luftën e Dytë Botërore, duke paralajmëruar njëkohësisht se çdo shkelje e tij nga forcat ukrainase mund të pasohet me “sulm masiv me raketa” ndaj Kievit.
Sipas Ministrisë së Mbrojtjes në Moskë, vendimi është marrë në përputhje me urdhrin e presidentit Vladimir Putin dhe lidhet me përvjetorin e 81-të të fitores ndaj Gjermanisë naziste. Në deklaratën e publikuar përmes platformës së mesazheve MAX, autoritetet ruse theksojnë se armëpushimi synon të garantojë zhvillimin e festimeve të 9 majit, ditë e rëndësishme në kalendarin historik rus.
⚡️ MoD Russia:
Russia declares a ceasefire for May 8-9 in honour of Victory Day and expects Ukraine to follow.
❗️ If Kiev regime attempts to disrupt celebrations, Russia will launch a just retaliatory, massive missile strike on centre of Kiev.
In full: https://t.co/DDhqVA2zlr pic.twitter.com/j6MSgFBL1F
Read more:“Ne nuk kemi nisur akoma”, Irani këmbëngul: Armëpushimin e shkeli SHBA-ja
Megjithatë, Moska ka paralajmëruar se në rast të “provokimeve” nga Ukraina, Forcat e Armatosura Ruse do të ndërmarrin një “sulm masiv me raketa hakmarrëse” ndaj qendrës së Kievit. Gjithashtu, në deklaratë i bëhet thirrje popullsisë civile dhe misioneve diplomatike të huaja që të largohen nga kryeqyteti ukrainas pa vonesë, pa dhënë detaje të mëtejshme.
Nga ana e tij, presidenti ukrainas Volodymyr Zelensky e ka cilësuar të pashpjegueshme dhe jo serioze shpalljen e një armëpushimi të tillë vetëm për periudhën e festimeve ruse, duke deklaruar se Moska po përpiqet të përdorë situatën për qëllime propagandistike. Ai theksoi se Ukraina nuk ka marrë asnjë kërkesë zyrtare për kushtet e armëpushimit dhe njoftoi gjithashtu një ndalim të përkohshëm të luftimeve nga 5 deri më 6 maj.
Zelensky, i cili gjatë ditës udhëtoi për në Bahrein për bisedime mbi bashkëpunimin në fushën e sigurisë, akuzoi Rusinë se po vazhdon sulmet pavarësisht deklaratave për armëpushim. Sipas autoriteteve ukrainase, një sulm me raketa ruse ka vrarë shtatë civilë pranë Kharkiv-it, ndërsa një tjetër sulm me dron ka shkaktuar viktima në jug të vendit.
Rajoni i Kharkiv-it, pranë kufirit me Rusinë, mbetet një nga zonat më të goditura nga lufta, e cila ka hyrë në vitin e saj të katërt dhe konsiderohet konflikti më i përgjakshëm në Evropë që nga Lufta e Dytë Botërore, me qindra mijëra viktima nga të dyja palët.
