Vendet e Gjirit duhet të qëndrojnë larg konfliktit midis Iranit dhe Shteteve të Bashkuara, përndryshe do të “pendohen”, ka paralajmëruar Seyyed Mehdi Tabatabaei, anëtar i zyrës së shtypit të Presidentit iranian Masoud Pezeshkian, në një postim në X.
Sipas tij, Republika Islamike e Iranit është “fqinja më e mirë dhe fuqia më fisnike e padiskutueshme në rajon”, dhe e konsideron veten mik të vendeve islame bazuar në bindjet e saj fetare.
“Vendet shumë më të vogla nuk duhet të përfshihen në mosmarrëveshjet midis atyre më të mëdha. Ato nuk duhet të shndërrohen në gurë shahu në lojë dhe në monedha për armikun, përndryshe nuk do t’u mbetet gjë tjetër veçse keqardhje”, shtoi Tabatabaei.
