“Kryeministri Rama nxiti konflikt mes pushteteve”/ Ish-prokurori Beci për pagat e magjistratëve: Qeveria konsumoi vepra penale të moszbatimit të vendimit të gjykatës

Ish-prokurori Eugen Beci, i ftuar në emisionin Kjo Javë në News24 komentoi çështjen e pagave të magjistratëve.

Beci thekson se vendimi i Gjykatës Kushtetuese në shkurt 2026 është i padiskutueshëm. Sipas tij, mazhoranca ishte hipokrite dhe se u kujtua për pagat, vetëm kur u gjend nën presion, pas reagimit të Shoqatave të Gjyqtarëve.

Read more:Bllokimi i pagave të magjistratëve në SPAK/ Petraj: Jemi në një situatë të paprecedentë, drejtësia po bërtet për drejtësi! Beci: Konflikt i pastër kushtetues, buxheti s’është i Ekzekutivit

Më tej, Beci nënvizoi se qeveria, në rastin konkret ka konsumuar vepra penale të moszbatimit të vendimit të gjykatave.

Eugen Beci, ish-prokuror: Gjykata Kushtetuese në shkurt 2026 vendosi që paga e gjyqtarit nuk mund të ulet, shfuqizoi vendimin e 2023 të qeverisë dhe tha se deri në 31 korrik 2026, Kuvendi duhet të nxjerrë aktet ligjore që janë në përshtatshme me vendimin. Qeveria nuk e vuri ujin në zjarr. Gjykata Kushtetuese ishte e qartë, se pagesa duhet të ishte bërë. Mazhoranca luajti, bëri një hipokrizi. U kujtua qeveria vetëm kur pa këtë reagim kaq të madh të gjyqtarëve dhe të prokurorëve.

Read more:Rama shpërthen ndaj Gjykatës Administrative: Hapi dyert e Thesarit për rrogat e veta pa kaluar nga Parlamenti

Ministria e Financave tha se unë i referohem ligjit të 2023, por kjo është e gabuar, sepse është një ligj që nuk është më në fuqi. Mbledhja e gjyqtarëve iu tha shqiptarëve se nuk ka negocime me vendimet e Kushtetueses. Prandaj, u kallëzua penalisht ministri i Financave Petrit Malaj.

Rama bën deklarata populiste se luan me ndjeshmërinë e njerëzve që kanë paga të ulëta, sepse thotë që shiko se gjyqtarët kanë paga të mira. Ai nxit konfliktin mosbesimin e publikut tek gjyqësori dhe konfliktin mes pushteteve. Nuk e ka dhënë ai vendimin për rritje pagash, por ka vendim gjykate. Luajti dhe me faktin që dyert e buxhetit të shtetit deklaroi se i hap qeveria dhe jo gjykata, që është gabim. Mazhoranca nuk është zoti i vendit. Edi Rama përpiqet ta kthejë në histori banale, por është historia e zbatimit të Gjykatës Kushtetuese. Qeveria konsumoi vepra penale të mosekzekutimit të vendimeve të gjykatave.

Read more:Spahiu: Konflikti i dy pushteteve qeveri-gjyqësor për rrogat, i paprecendentë për një shtet juridik

Deklarata e ministrit të Financave Petrit Malajt nuk është çështje, që të diskutohet në publik. Malaj të merrte masat ligjore, që në korrik të ishte i zbatueshëm ligji. Malaj duhet të kuptojë se ligji i 2023 nuk ekziston. Duhet të zbatonte vendimin e Kushtetueses.