Seanca e dytë në themel në ngarkim të Ilir Metës, ka nisur me debate pasi të pandehurit kërkojnë transmetimin live. Kërkesa e artikuluar nga mbrojtja e Ilir Metës si dhe e kërkuar dhe nga Monika Kryemadhi është rrëzuar nga gjykata me argumentin se ‘do të krijonte presion publik dhe mediatik’.
“Ky intimidim dhe linçim që më është bërë mua dhe ish-burrit tim, duhet të jetë e hapur që shqiptarët të shohin provat”, ka thënë Kryemadhi.
Avokati mbrojtës i Metës i thotë gjykatës se nuk ka asnjë bazë ligjore për ndalimin e transmetimit live të seancës.
“Ky është procesi i vitit, mediat duhet ta transmetojnë live. Nuk duhet t’i ndalini mediat për transmetim live. Nuk keni asnjë bazë ligjore të ndërprisni transmetimin live të mediave”, tha Çakrani.
Read more:Jose Mourinho i vendos kushte Real Madridit gjatë telefonatës me Florentino Perezin
Ndërkohë Monika Kryemadhi ka kërkuar t’i vihen në dispozicion të gjitha përgjimet ambientale e telefonike të bëra nga prokuroria. Avokatja mbrojtëse e Fatime Kryemadhit i ka kërkuar gjykatës që të shprehet për kërkesën e depozituar për përfitimin e gjykimit të shkurtuar. Përveç Fatime Kryemadhit, kërkesën për gjykim të shkurtuar e ka bërë dhe Ema Çoku dhe Pirro Xixho.
Ilir Meta është i pranishëm në seancë dhe qëndron brenda në kafazin e qelqtë. Prezent janë Monika Kryemadhi dhe Ema Çoku. Piro Xhixho dhe Fatime Kryemadhi përfaqësohen nga avokatët mbrojtës. Ish-presidenti është fotografuar duke komunikuar me shenja me median, për shkak të vështirësisë që has nga si pasojë e të qenurit brenda në kafaz.
Në mbështetje të Ilir Metës, në sallën e gjyqit kanë shkuar dhe eksponentë të Partisë Demokratike.
SPAK e ka marrë të pandehur Ilir Metën dhe Monika Kryemadhin për korrupsion, pastrim parash dhe fshehje pasurie, lidhur me aferën CEZ-DIA dhe lobimin e LSI-së në SHBA.
Sot gjykata pritet të shprehet nëse do të pranojë kërkesën për gjykim të shkurtuar për tre të pandehurit e tjerë: nënën e Monika Kryemadhit, Ema Çokun, mikeshë e saj, të akuzuara për pastrim parash, si dhe ish-kreun e AKEP, Pirro Xhixho, i pandehur për korrupsion.
Lajmi në përditësim…
——————————-
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë
‘President si je?’ Meta-Leskajt nga kafazi i qelqtë: Akustika, akustika… xhami
Seanca gjyqësore ndaj ish-presidentit Ilir Meta është shoqëruar me momente tensioni dhe komunikime direkte nga salla, ndërsa gjykata ishte tërhequr për të shqyrtuar kërkesat e palëve. Gjatë ndërprerjes së seancës, Bujar Leskaj iu drejtua Metës nga salla.
Bujar Leskaj:President, si je? Je i fortë?
Ilir Meta:Jam mirë, jam i fortë. (Nuk dëgjohet kur përshëndet Nokën dhe mbështetësit në sallë.) Afrohet dhe thotë: Akustika, akustika… xhami.
Fotosekuenca/ Ilir Meta në kafazin prej xhami në GJKKO, mund të komunikojë vetëm me shenja
Këto janë disa foto të shkrepura nga gjyqi i ish-presidentit Ilir Meta, i cili edhe në këtë seancë mbahet brenda kafazit. Siç mund të shihet edhe në foto, Ilir Meta ka vështirësi për të komunikuar me avokatin e tij mbrojtës, Kujtim Cakrani. Ky i fundit në një moment dallohet i afruar pranë kafazit të xhamit dhe mundohet të flasë me Metën përmes një hapësirë të vogël në kafazin e xhamtë.
Në momente të tjera, Meta është fotografuar duke u munduar të flasë vetëm përmes shenjave me gazetarët që ndodhen brenda në sallën e gjyqit, kjo pasi mikrofoni brenda në kafaz është i mbyllur dhe hapet vetëm me miratimin e gjyqtares.
Gjyqi në GJKKO/ Meta kërkon transmetim live të seancës, e mbështet dhe Monika Kryemadhi
Avokati mbrojtës i Ilir Metës ka kërkuar praninë e mediave dhe transmetimit live të seancës gjyqësore. Kësaj kërkese i është bashkuar dhe Monika Kryemadhi.
Monika Kryemadhi: Jam dakord që seanca të bëhet live. Ky intimidim dhe linçim që më është bërë mua dhe ish burrit tim, duhet të jetë e hapur që shqiptarët të shohin provat.
Read more:Aktori amerikan shpallet fajtor për tentativë vrasjeje të ish-të dashurës, e goditi 20 herë me thikë
Në Amerikë edhe vrasësi ulet jashtë kafazit. Edhe ne dhe prokuroria jemi palë. Duhet të prezumohem e pafajshme. Me duhen përgjimet ambientale dhe telefonike që ka bërë prokuroria. Të plota.
Ilir Meta prezent në gjyqin në themel në GJKKO, ish-presidenti përshëndet mediat nga kafazi me shqiponjë (VIDEO)
Ish-presidenti Ilir Meta është sot i pranishëm në seancën e dytë të gjykimit në themel të dosjes në ngarkim të tij, ish-bashkëshortes Monika Kryemadhi e të tjerë persona.
Ashtu si në çdo prezencë të tij në sallë të gjyqit, Ilir Meta ndodhet brenda në kafazin e qelqtë. Ai ka përshëndetur mediat duke bërë simbolin e shqiponjës me duar.
