Lionel Messi ka reaguar në rrjetet sociale pasi ish-klubi i tij, Barcelona, e siguroi titullin e La Ligës pas fitores në El Clasico ndaj Real Madridit, nën drejtimin e trajnerit Hansi Flick.
Barcelona e konfirmoi statusin e kampionit të Spanjës me një fitore vendimtare në shtëpi, ku golat e Marcus Rashford dhe Ferran Torres i dhanë tri pikët e nevojshme për ta vulosur titullin.
Menjëherë pas fishkëllimës së fundit, urime dhe mesazhe përgëzuese nisën të vinin nga e gjithë bota e futbollit – me Messin ndër të parët që reagoi.
Read more:“Ka favoritë para nesh”, Lionel Messi tregon ekipet që e frikësojnë Argjentinën
Ylli argjentinas publikoi një mesazh të shkurtër, por emocional në Instagram, duke festuar suksesin e ish-skuadrës së tij:
“Kampionë. Forca Barcelona”, shkroi ai.
Mesazhi u shpërnda me shpejtësi te tifozët, të cilët e panë si një tjetër dëshmi të lidhjes së fortë emocionale që Messi vazhdon të ketë me Barcelonën, pavarësisht largimit të tij nga klubi.
Read more:Hansi Flick iu premton tifozëve: Vitin tjetër e duam Ligën e Kampionëve
Ndërkohë, Messi po vazhdon të shkëlqejë te Inter Miami me të cilët po synon ta fitojë titullin kampion, si dhe pritet të merr pjesë në Kupën e Botës 2026 me Kombëtaren e Argjentinës./Telegrafi/
