Spitali i Përgjithshëm i Pejës ka njoftuar se sot kanë filluar punën pesë mjekë specialistë të profileve që, sipas këtij institucioni, janë “jashtëzakonisht të nevojshme” dhe do të kontribuojnë në forcimin e mëtejmë të shërbimeve shëndetësore.
Në një postim në Facebook, spitali ka bërë të ditur se ekipit i janë bashkuar: Dr. Besarta Thaqi Kuçi – infektologe, Dr. Kadri Çetaj – mjek specialist i emergjencës, Dr. Valdrin Komoni – ortoped, Dr. Liridon Myrtaj – nefrolog dhe Dr. Artin Dervishi – biokimist klinik.
“Mjekët e rinj që ju bashkuan ekipit tonë të Mjekëve janë: Dr. Besarta Thaqi Kuçi – Infektologe, Dr. Kadri Çetaj – Mjek specialist i Emergjencës, Dr. Valdrin Komoni – Ortoped, Dr. Liridon Myrtaj – Nefrolog, Dr. Artin Dervishi – Biokimist klinik”, thuhet në njoftim.
Spitali ka bërë të ditur se mjekët e rinj janë pritur nga drejtori ekzekutiv, Dr. Fahri Hasani, dhe drejtori mjekësor, Dr. Shkumbin Berisha, të cilët u kanë dëshiruar mirëseardhje dhe punë të mbarë.
Read more:Danilovski: Hantavirusi ngre çështjen për higjienën urbane në qytetet e Maqedonisë
Sipas spitalit, angazhimi i specialistëve të rinj pritet të ndikojë në rritjen e cilësisë së shërbimeve dhe kujdesit shëndetësor për pacientët dhe qytetarët. /Telegrafi/
