Tre ishin çështjet kryesore për të cilat kryenegociatores Majlinda Dhuka iu desh të jepte sqarime para Komisionit të Jashtëm teksa bëri një pasqyrim të procesit të integrimit europian. Opozita kërkoi më shumë informacion mbi çështjet që thotë se po bllokojnë integrimin, siç është dosja “Balluku” apo “AKSHI”, ndërsa u fokusuan edhe tek IPARD apo marrëveshjet e investimit me vendet jashtë BE-së.
Juristi Kresnik Spahiu, i ftuar në Repolitix, tha se zotimi i Edi Ramës dhe i Partisë Socialiste për mbylljen e negociatave në 2027, ose brenda këtij mandati qeveriës, është vërtetë objektiv dhe realist.
“Socialistët nuk kanë pse të vendosin një datë më që mund të hapë probleme vetëres së tyre, nëse ata rrisin pritshmëritë e publikut dhe gjejnë një datë brenda mandatit të tyre, nuk besoj se do të bënin gjë tjetër veçse do të zgjidhnin. Shqipëria në shumë aspekte është përpara Malit të Zi. Mali i Zi është një shtet i korruptuar më shumë se Shqipëria. Politika, qeveria, gjyqësori dhe policia e Malit të Zi absolutisht është e faktuar që është një nga shtetet më të korruptuara në rajon. Nuk do të kishte asnjë arsye që Mali i Zi të kishte prioritete përpara Shqipërisë”,- tha Spahiu.
Ndarja administrative / Spahiu: PS pazar me PD duke i dhënë më shumë bashki
Juristi Kreshnik Spahiu parashikon se nga reforma territoriale numri i bashkive në Shqipëri do të rritet, dhe nga kjo do të përfitojë edhe Partia Demokratike.
Në Repolitix, Spahiu tha se Partia Socialiste do të pranojë një ndarje administrative që mund të favorizojë PD-në.
“Nëpërmjet këtyre tryezave këta e blerë opozitën, në fund nëpërmjet ndarjes së administratave këta do kënaqin Berishën dhe PD duke i dhënë disa bashki, sepse mund e ndajnë demokratikisht, me nënkulturë, sipas rezultateve që ka, këta në fund do bëjnë ndarje elektorale. Do i thonë Berishës: në ca zona s’fiton ti, merri këto 20 bashki, do kënaqsin dhe me reformën zgjedhore, do e bëjmë me 100 deputetë. Gjithë këtë historinë e sharjeve e baltosjes PD e di pse e bën, bën presion që të japë ndonjë gjë. Duke kapur 2 bashki kap disa deputetë më shumë. Duke kapur bashkitë ke administratë, buxhet, ke njerëz të punësuar”,- tha Spahiu.
Read more:‘The Best Of’, momentet më të spikatura të javës në Report Tv (VIDEO)
Spahiu: PD e vetmja opozite në bote që shan dhe baltos vendin e vet në BE
Në çdo hapësirë europiane që me sforco arrin të gjejë, Sali Berisha nuk heziton të “nxijë” Shqipërinë, duke e portretizuar me ekzagjerim për problemet që ka, por edhe duke shpikur aty ku situata është pozitive dhe e përmirësuar.
I ftuar në Repolitix, Juristi Kreshnik Spahiu thotë se opozita shqiptare është e vetmja në botë që për politikën e ditës është e gatshme të pengojë hapat historikë te vendit.
Read more:Një komunë e Malit të Zi me deklaratë ka shfuqizuar vendimin për njohjen e Kosovës
Në strategjinë e Berishës, Spahiu thekson edhe paradoksin: Kryedemokrati sulmon vazhdimisht ambasadorin e Bashkimit Europian, ku ankohet vazhdimisht.
“Dua të bëj një pyetje për publikun. Shqipëria nuk i plotëson standardet në çdo lloj rasti, si t’i bësh presion, si mos t’i bësh, Shqipëria nuk e bën dot si Holanda. Kemi një Shqipëri pa standarde, e duam në BE apo jashtë BE-së? Të shkojmë të gjithë të ankohemi në BE mos na fusni se nuk i plotësojmë standardet? Kjo kërkon një përgjigje. Unë shikoj një popull të ndarë sipas pasionit politik. Socialistët e duan Shqipërinë në BE, demokratët e shohin si futjen e Ramës në BE.
Nëse Shqipëria hyn në BE, është meritë e qeverisë aktuale, por nëse Shqipëria nuk hyn në BE është përgjegjësi e qeverisë aktuale dhe nuk është faji i opozitës se proteston me molotov. A ka të drejtë Berisha për atë që thotë, që të shkojë në BE dhe të shajë atdheun e vet? Edhe nëse nuk hyn në BE Shqipëria, mos mendoni që do rrëzohet Rama dhe vjen në pushtet Berisha. Edhe të shkosh të ankohesh në BE dhe t’i thuash dhe të merresh me gjininë dhe prirjet seksuale të ambasadorit të BE, kjo është e turpshme. Si ankohesh në BE dhe i shan ambasadorin?”
