Deputeti i Partisë Socialiste, Erion Braçe është paraqitur sërish sot në Gjykatën e Posaçme (GJKKO), për një çështje gjyqësore që lidhet me shpifjen, pas deklaratave publike dhe postimeve në rrjetet sociale të deputetit lidhur me një konflikt pronësie në zonën e Imshtës, në Lushnjë.
Gazetarja e Top Channel, Anila Hoxha, raporton se ai u paraqit mëngjesin e kësaj të mërkure. Teksa kaloi para gazetarëve, Braçe nuk dha koment, por përshëndeti operatorët. Pas daljes nga GJKKO pas afro dy orësh, Braçe u prononcua për mediat.
“Besoj që jemi para një fakti penal shumë konkret. Mendoja se mjaftonte ligji i vitit 2022 dhe vendimi i këshilli të ministrave që përcakton që toka nga vija e lumit deri në argjinaturë është shtetërore, e patjetërsueshme.
Meqë zotërinjtë në seancën që shkuan insistuan në këtë pikë, kam depozituar sot pranë gjykatës, ligjet, bashkë me vendimet respektive të këshillit të Ministrave që përcaktojnë qartë që nga ajo periudhë që toka nga vija e lumit deri në argjinaturë është tokë e lumit, tokë e shtetit dhe as nuk mund të tjetërsohet dhe as parashkruhet.
Read more:Video/ Zjarr në tregun e fruta-perimeve në Lushnjë, digjet një pjesë e çatisë dhe mallrat
Të gjithë zyrtarët që nga 1995 që kanë qenë në dijeni të ligjeve në fuqi, ligjit të vitit 1994, 1996 dhe të gjithë zyrtarët e këtyre institucioneve, natyrisht që për mua duhet të vihen nën hetim, sepse kanë qenë në dijeni të këtij fakti dhe kanë shkelur ligjin. Fakti penal është verifikuar dhe i takon prokurorisë nëse do të fillojë procedim penal apo jo.
Unë mendoj se njëri duhet bërë shembull, pra në gjithë këtë histori tjetërsimi pronash publike në të gjithë Shqipërinë në favor të privatit në mënyrë të pamerituar dhe në shkelje të ligjit, një rast duhet bërë shembull. Askush nuk duhet të guxojë që të hyjë në tokat e lumenjve.
Read more:Preç Zogaj: Drejtësia, “porta e Herkulit” për të hyrë në BE
Në kushtet në të cilat ndodhemi, në kushtet e fatkeqësisë natyrore, për shkak të tjetërsimit të tokave dhe shtretërve të lumit, dikush duhet të ndëshkohet që të tjerët mos guxojnë më atje”, deklaroi Braçe.
