Papa Leoni XIV prezantoi të hënën enciklikën e tij të parë me titull “Magnifica Humanitas” (“Njerëzimi Madhështor”), një dokument prej 110 faqesh kushtuar ndikimit të inteligjencës artificiale në dinjitetin njerëzor.
Në tekst, Papa paralajmëron se inteligjenca artificiale “nuk mund të konsiderohet moralisht neutrale” dhe bën thirrje për “çarmatimin” e saj, në mënyrë që të shmanget dominimi mbi njeriun.
Dokumenti përcakton qëndrimin e Kishës Katolike ndaj asaj që Leoni XIV e cilëson si një nga sfidat më të mëdha të epokës moderne. Sipas tij, inovacionet teknologjike “mund të rrisin pjesëmarrjen dhe barazinë, por edhe të zgjerojnë pabarazitë, kontrollin dhe përjashtimin”.
Papa argumenton se inteligjenca artificiale po thellon hendekun mes të përfshirëve dhe të përjashtuarve, ndërsa kritikon përqendrimin e pushtetit teknologjik në duart e pak kompanive private.
“Patentat, algoritmet, platformat dixhitale, infrastruktura dhe të dhënat mbeten të përqendruara në duart e pak njerëzve”, thuhet në dokument. Sipas Papës, ky kontroll rrezikon të sjellë varësi, manipulim dhe forma të reja pabarazie.
Read more:AI hyn në kompjuterë/ Teknologjia largohet nga cloud, përpunimi bëhet direkt në pajisje
Papa Leoni XIV kërkon krijimin e rregullave të forta ligjore, mbikëqyrje të pavarur dhe përdorues më të informuar.
“Nuk mjafton të flitet për moral në mënyrë abstrakte. Nevojiten korniza të forta ligjore dhe një sistem politik që nuk heq dorë nga përgjegjësia e tij”, thekson ai.
