Guvernatori i Kalifornisë, Gavin Newsom, shpalli gjendje të jashtëzakonshme ndërsa ekipet e emergjencës po përpiqen të përmbajnë një incident të rrezikshëm kimik në qarkun Orange, ku mijëra banorë janë urdhëruar të evakuohen.
Incidenti ndodhi në një strukturë prodhimi në Garden Grove, ku një rezervuar që përmbante rreth 7,000 gallonë metil metakrilat, një substancë shumë e ndezshme dhe toksike e përdorur në prodhimin e plastikës, ishte në rrezik shpërthimi ose rrjedhjeje.
Ekipet e emergjencës po spërkasin vazhdimisht rezervuarin me ujë për të ulur temperaturën dhe për të stabilizuar presionin e brendshëm. Sipas autoriteteve, një valvul e dëmtuar ka vështirësuar operacionin dhe ka shtuar rrezikun.
Read more:Baza e interesit, Banka e Shqipërisë e mban të pandryshuar normën 2.5%
Objekti ndodhet rreth 8 kilometra nga Disneyland, i cili mbetet jashtë zonës së evakuimit dhe vazhdon të funksionojë normalisht.
Autoritetet lokale po ndërtojnë diga dhe barriera mbrojtëse për të parandaluar që kimikatet të përhapen drejt kanaleve të ujërave të shiut ose oqeanit në rast të një rrjedhjeje. Shkollat lokale janë mbyllur dhe disa rrugë kryesore janë bllokuar për të kufizuar qarkullimin në zonë.
Read more:Momente alarmuese në Korçë, u dyshua për eksploziv në një automjet, rezulton se është GPS
Zyrtarja e shëndetit publik, Regina Chinsio-Kwong, paralajmëroi banorët që të raportojnë çdo “erë të fortë”, e cila mund të sinjalizojë praninë e avujve toksikë. Ajo tha se ekspozimi mund të shkaktojë probleme me frymëmarrjen, irritim të syve dhe marramendje.
