Një automjet në lagjen nr 18 në Korçë është bërë objekt kontrolli nga policia, pas dyshimeve për vendosje të lëndëve plasëse.
Forcat xheniere anti-eksploziv mbërriti në vendngjarje për të kryer kontrollin e mjetit. Nga kontrollet rezultoi se ishte GPS dhe jo lëndë plasëse.
Njoftimi i policisë:
Rreth orës 09.00 të datës 17.05.2026, në lagjen nr. 18, Korçë, në rrugën “Petraq Shomo”, në gomën e pasme të automjetit në pronësi të shtetasit G. P., është konstatuar një pako, e cila dyshohej se mund të kishte lëndë eksplozive.
Policia rrethoi zonën për të mbajtur larg perimetrit të rrezikut banorët përreth.
Në vendngjarje shkuan Forcat Xheniere për të vlerësuar situatën dhe për të kryer procedurat e nevojshme.
Read more:Vihet gurthemeli në objektin më të ri “Objekti 9” në Drenasi Residence
Nga kontrolli i kryer nga këto shërbime, rezultoi se objekti i vendosur në automjet ishte një aparat GPS dhe jo lëndë plasëse.
Grupi hetimor, nën drejtimin e Prokurorisë, vijon punën për identifikimin dhe kapjen e personit që ka vendosur aparatin GPS.
