Kërkesa për heqjen e sekuestros së pasurive, Apeli i GJKKO merr vendimin për Karçanajn dhe personat e tjerë në hetim

Apeli i GJKKO, ka vendosur heqjen e sekuestros për asete të një shoqërie në vlerën 123.6 milionë lekë. Asete të dy shoqërive të tjera në vlerat 410.6 milionë lekë dhe 94.4 milionë lekë. Asete të një tjetër shoqërie në vlerën 100.8 milionë lekë.

Një apartament që ishte sekuestruar në kuadër të hetimit. Në total, bëhet fjalë për mbi 729 milionë lekë asete për të cilat gjykata e apelit ka urdhëruar heqjen e sekuestros preventive.

Read more:Incidenti i dhunshëm në Zvërnec, Gjykata e Vlorës lë në burg Geraldo Bibën

Njoftimi i plotë:

Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtar Florjan Kalaja, sot më datë 02.06.2026, disponoi për çështjen penale nr. 20 akti, datë 19.05.2026 regjistrimi, regjistruar mbi ankimin e ankuesve A.P, M.K, E.B, A.K, Shoqëria “*”, Shoqëria “*”, Shoqëria “*”: “Ankim kundër vendimit nr. 289, datë 20.04.2026 të Gjykatës së Posaçme të Shkallës së Parë për Korrupsionin dhe Krimin e Organizuar, me objekt: Vendosjen e sekuestros preventive mbi disa pasuri të luajtshme dhe të paluajtshme”, vendosi:

1. Ndryshimin pjesërisht të Vendimit nr. 289, datë 20.04.2026 të Gjykatës së Posaçme të Shkallës së Parë për Korrupsionin dhe Krimin e Organizuar sa i takon personit nën hetim Z. G.H.
2. Rrëzimin e kërkesës së Prokurorisë së Posaçme kundër Korrupsionit dhe Krimit të Organizuar përsa i takon kërkimit të sekuestrimit të aseteve të shoqërisë * sh.p.k. në shumën 123.629.664 Lekë, duke urdhëruar heqjen e sekuestros së ekzekutuar nga Byroja Kombëtare e Hetimit dhe Agjencia e Administrimit të Pasurive të Sekuestruara dhe të Konfiskuara.

Read more:Gjykata Kushtetuese rrëzon kërkesën për çështjen e komisionit për McGonigal, pranohet hetimi parlamentar për zgjedhjet e 2025-ës

3. Ndryshimin pjesërisht të Vendimit nr. 289, datë 20.04.2026 të Gjykatës së Posaçme të Shkallës së Parë për Korrupsionin dhe Krimin e Organizuar sa i takon personit nën hetim Z. A.P.
4. Rrëzimin e kërkesës së Prokurorisë së Posaçme kundër Korrupsionit dhe Krimit të Organizuar përsa i takon kërkimit të sekuestrimit të aseteve të subjektit * sh.p.k. në shumën 410.595.663 Lekë dhe kërkimit të sekuestrimit të aseteve të subjektit * sh.p.k. në shumën 94.423.883 Lekë, duke urdhëruar heqjen e sekuestros së ekzekutuar nga Agjencia e Administrimit të Pasurive të Sekuestruara dhe të Konfiskuara.

Read more:Veliaj kundër pezullimit të afateve të paraburgimit, sot seanca në Apel

5. Ndryshimin pjesërisht të Vendimit nr. 289, datë 20.04.2026 të Gjykatës së Posaçme të Shkallës së Parë për Korrupsionin dhe Krimin e Organizuar sa i takon personit nën hetim Z. E.J.
6. Rrëzimin e kërkesës së Prokurorisë së Posaçme kundër Korrupsionit dhe Krimit të Organizuar përsa i takon kërkimit të sekuestrimit të aseteve të shoqërisë * sh.p.k. në shumën 100.840.264 Lekë, duke urdhëruar heqjen e sekuestros së ekzekutuar nga Agjencia e Administrimit të Pasurive të Sekuestruara dhe të Konfiskuara.
7. Ndryshimin e Vendimit nr. 289, datë 20.04.2026 të Gjykatës së Posaçme të Shkallës së Parë për Korrupsionin dhe Krimin e Organizuar sa i takon disponimit mbi vendosjen e sekuestros preventive mbi pasurinë me nr. *, e llojit “apartament” dhe me nr. *, e ndodhur në Zonën Kadastrale nr. *, në Vol. *, faqe *, ndodhur në objektin * kate, Lagja *, *, në kryqëzimin e rrugës “*” me “*” dhe “*” në emër dhe për llogari të Z. E.A.

Read more:Aksioni i SPAK dhe Anitmafias së Barit ndaj grupit kriminal të Igli Kamberit, GJKKO lë në fuqi masat fillestare, hiqet arresti me burg vetëm për njërin anëtar

8. Rrëzimin e kërkesës së Prokurorisë së Posaçme kundër Korrupsionit dhe Krimit të Organizuar përsa i takon sekuestrimit preventiv të pasurinë me nr. *, e llojit “apartament” dhe me nr. *, e ndodhur në Zonën Kadastrale nr. *, në Vol. *, faqe *, ndodhur në objektin * kate, Lagja *, *, në kryqëzimin e rrugës “*” me “*” dhe “*”, duke urdhëruar heqjen e sekuestros së ekzekutuar nga Agjencia e Administrimit të Pasurive të Sekuestruara dhe të Konfiskuara dhe kthimin e pasurisë tek subjekti apelues * sh.p.k.
9. Miratimin e pjesës tjetër të disponimeve të Vendimit nr. 289, datë 20.04.2026 të Gjykatës së Posaçme të Shkallës së Parë për Korrupsionin dhe Krimin e Organizuar.

Read more:Ankesa për princin saudit, Franca nis hetime për vrasjen e gazetarit disident

10. Urdhërohet Prokuroria e Posaçme kundër Korrupsionit dhe Krimit të Organizuar, Byroja Kombëtare e Hetimit dhe Agjencia e Administrimit të Pasurive të Sekuestruara dhe të Konfiskuara për ekzekutimin e këtij vendimi.
11. Kundër vendimit mund të ushtrohet rekurs në Gjykatën e Lartë brenda 45 ditëve, duke nisur ky afat nga dita e nesërme e njoftimit të vendimit të arsyetuar.