Është mbajtur sot seanca e radhës në GJKKO për grupin e Laert Haxhiut.
Në seancën e sotme ka dëshmuar Rigels Rajku, i njohur për publikun si Noizy, duke treguar sesi nisi konflikti mes tij dhe Kleviol Ahmeti, raporton gazetarja e Top Channel Anila Hoxha.
Noizy ka dëshmuar se në banesën e tij në Durrës është vendosur një eksploziv (tritol) në katin e parë të pallatit ku jetonte. Ai thotë se ka qenë në gjumë kur ka ndodhur shpërthimi dhe është zgjuar rreth orës 09:00, ndërsa ngjarja dyshohet të ketë ndodhur rreth orës 03:00–04:00.
Sipas dëshmisë së tij, shpërthimi ka shkaktuar dëme të mëdha në hyrjen e pallatit, në xhamat e një lokali dhe dyqani që ai zotëron, si dhe ka krijuar një gropë në tokë. Prindërit e tij jetonin në të njëjtin pallat, por në një kat më sipër.
Ai lidh konfliktin me Kleviol Ahmetin, duke e akuzuar atë për sjellje kërcënuese dhe përplasje të mëparshme fizike një ditë para shpërthimit. Sipas tij, ka pasur një konflikt verbal dhe fizik me të në lokalin e tij, dhe më pas ka ndodhur shpërthimi. Ai pretendon gjithashtu se pas ngjarjes i është djegur një makinë.
Read more:Dëshmitar në gjyqin e Laert Haxhiut – Noizy paraqitet në GJKKO
Në dëshminë e tij, Noizy thotë se nuk ka pasur më parë lidhje apo bashkëpunim me Kleviolin dhe e përshkruan si një person që e ka provokuar vazhdimisht në rrjete sociale dhe në TikTok.
Për Laert Haxhiun, ai deklaron se nuk ka pasur asnjë njohje apo informacion të mëparshëm, dhe e ka dëgjuar emrin e tij vetëm më vonë në lidhje me çështjen.
Read more:Cllevio trondit me deklaratën: Duan të më vrasin, jetoj në bunker
Noizy: Kam dijeni për vendosjen e lëndës plasëse në Durrës. Kam qenë në të njëjtin pallat ku u vendos eksplozivi, kam patur dritaren hapur. Kam qenë në gjumë, dëgjova shpërthimin dhe më doli gjumi kuptova që diçka ndodhi. Zbrita poshtë dhe kuptova që ishte vendosur një eksploziv. Më doli gjumi, zbrita poshtë, ishte babi im poshtë, motra po ashtu mund të ketë ardhur, mamin e mbaj mend.
Tritoli u vendos në katin e parë të pallatit ku qëndroja. Prindërit jetojnë në të njëjtin pallat, por në një kat më sipër. Kur zbrita, ngjarja kishte ndodhur rreth orës 03.00-04.00, unë u zgjova në orën 09.00. Ishin shkatërruar xhamat e lokalit dhe të dyqanit poshtë. Kam një firmë rrobash dhe një lokal, të dy pronat janë të miat. Pashë komshinjtë, polici pa fund dhe kishte plasur një tritol. Hyrja ishte komplet e shkatërruar si në katin e parë dhe në kat të dytë. Ishte shkaktuar një gropë e madhe në tokë nga sasia e tritolit. Ishte thyer mermeri komplet. Një hamendësim e kisha se kush e kishte bërë.
Read more:Pesë mite të rrezikshme për trigliceridet në të cilat shumë njerëz ende besojnë
Më ndodhi një problem një natë përpara te një tjetër lokal që kam në Durrës, me një person që është i fiksuar, sjelljet e një fansi të fiksuar… Po nuk i dhe vëmendje bëhet agresiv dhe sjell problemin deri te shtëpia. Kur shan dhe kërcënon në rrjetet sociale ai të vjen dhe deri te shtëpia. Kleviol Ahmeti është personi, sharjet që nga 2019 nuk janë ndalur asnjëherë. Njohje me Kleviolin nuk kam patur asnjëherë, as bashkëpunime. Është i fiksuar me mua, kërkon me sesbën vëmendjen time. Do të bëhet shok me mua, ndërkohë që unë s’dua të bëhem shok me të. Nuk ta shpjegoj dot nivelin e fiksimit të atij me mua.
Nuk e di a e njihni, por del në TikTok dhe shan të gjithë botën. Ai e ka kuptuar që merr vëmendje kur përmendet “Noizy” dhe nuk e ka ndalur asnjëherë këtë gjë. Është një i çmendur pas meje. Më erdhi në lokal një ditë përpara shpërthimit për t’u sqaruar demek, vjen me 20 veta. Fjala e parë që thotë është “Ku është ai legeni”. Futet brenda, dalim jashtë dhe pastaj ndodh një konflikt fizik te shkallët e lokalit. Të nesërmen ndodhi tritoli. E kam takuar më përpara, ka ardhur me një shokun e vet për t’u sqaruar kur unë isha me familjarët e mi. Kur dolëm nga lokali filloi prapë avazin duke më sharë. I thotë vetes artist, ka bërë disa këngë.
Ai bën shumë gjëra, por nuk bën asgjë. Ishte live TikTok gjatë gjithë kohës, tregonte armë në video, e dija që po vinte. Nuk njihja askënd nga ata që shoqërohej Klevioli. Erdhën me makina, me 5 të tilla. U largua me makinë pastaj, ishte pasagjer. Prezenca e tij në pronën time duke më ofenduar mua, sharjet, u bënë shkak për nxitjen e konfliktit. Erdhi brenda dhe më tha “Do të qëroj o pederast”.
Kur erdhi në pronën time, unë e godita i pari, konflikti ndodhi disa sekonda. Pas kësaj ngjarjeje, ai më dogji edhe një automjet. Ai e ka gjyqin akoma hapur dhe nuk e di si ka dalë nga burgu. Iku në Dubai, pagoi disa çuna nga Vlora dhe më dogjën makinën. Nga ana ime nuk ka situatë konfliktuale, nga ana e tij po. Për Laert Haxhiun nuk kam dëgjuar ndonjëherë, e dëgjova emrin e tij më mbrapa para 3 vitesh. E dëgjova kur u bë publik rasti im.
