Policia Kufitare ka shpëtuar dy turistë ukrainas në Ksamil që rrezikuan të mbyteshin në det.
Turistët kishin marrë me qira një skaf, i cili po fundosej si pasojë e erërave të forta.
Fatmirësisht turistët ndodhen në gjendje të mirë shëndetësore.
Vijon puna për nxjerrjen e mjetit lundrues në breg.
Read more:Gomonia del jashtë kontrollit në Llaman, piloti bie në ujë gjatë lëvizjes, ndërhyn Policia Kufitare
Njoftimi i policisë
Shërbimet e Njësisë Speciale Delta, të planizuara me shërbim në mbështetje të Komisariatit të Policisë Kufitare Sarandë, kanë ndërhyrë me profesionalizëm dhe në kohë për t’i ardhur në ndihmë dy turistëve ukrainas, të cilët rrezikuan jetën në det për shkak të përkeqësimit të motit.
Gjatë patrullimit në zonën e Ksamilit, efektivët konstatuan një mjet lundrues tip skaf, i marrë me qira nga turistët, që po fundosej si pasojë e erërave të forta dhe kushteve të rënduara atmosferike. Në bord ndodheshin dy shtetas ukrainas.
Menjëherë, efektivët e Njësisë Speciale Delta ndërhynë duke bërë të mundur shpëtimin e dy turistëve, të cilët fatmirësisht janë në gjendje të mirë shëndetësore.
Read more:Mbytet një 62-vjeçar në liqenin e Viroit në Gjirokastër
Aktualisht po punohet për nxjerrjen e mjetit lundrues në breg.
Policia Kufitare mbetet e angazhuar maksimalisht për garantimin e sigurisë së jetës së qytetarëve dhe turistëve në hapësirat detare të vendit.
