E ndërtuar rreth 40 vite më parë, Ura e Mujallisë, rreth 800 metra e gjatë, ka shërbyer si i vetmi mjet komunikimi për banorët në dy anët e lumit Seman.
Prej kohësh banorët që përdorin këtë vepër infrastrukture, sot drejt daljes jashtë funksionit, kërkojnë rikonstruksionin, por askush nuk ka bërë përpjekjen më të vogël për ruajtjen e saj.
E konsideruar si një nyje lidhëse e rëndësishme në zonën e Libofshës, Ura e Mujallisë kishte funksion unik, pasi shërbente jo vetëm për lëvizjen e mjeteve, por edhe për vaditje.
Read more:Aksident i rëndë në Bulqizë/ Makina mbetet e varur në pemë, plagosen dy persona
“Fillimisht është kanal vaditës. Për të kaluar njerëzit lart, e mbuluan. Në ’90, çdo gjë u shkatërrua dhe kjo urë rrezikon të shembet.”
“Në një vend është shumë delikate”, shprehen banorët.
Teksa e konsiderojnë jetike, ata tashmë jetojnë me frikën nga rreziku qe mund të shkaktohet nga amortizimi i rëndë.
Read more:Roskovec/ Kanalet jashtë funksionit, 20 mijë hektarë në Zharrëz dhe Luar prej vitesh pa vaditje
“E frikshme është si lartësi, barriera mbrojtëse nuk ka. Është shumë e rrezikshme, është e amortizuar”, thotë një banor.
Mungesa e rikonstruksionit rrezikon të zhbëjë nga dita në ditë funksionalitetin e urës së Mujallisë, e cila po ashtu konsiderohet si simbol i zonës.
