Ndërkohë që Tirana dhe jo vetëm, ziejnë prej 22 ditësh nga revoltat dhe protestat për largimin e qeverisë dhe dorëheqjen e kryeministrit Edi Rama, diaspora ishin “qershia mbi tortë”.
Ishin emigrantët e ardhur nga diaspora ata që iu bashkuan fuqishëm protestës së mbrëmshme ku qindra mijëra qytetarë u dyndën në shesh dhe rrethuan edhe Kryeministrinë. Në këto momente, kthehet në aktuale fjalimi i bërë nga kryeministri i Kosovës Albin Kurti gjatë një seance të përbashkët në Kuvendin e Shqipërisë.
Ai ka vlerësuar sakrificat e bëra nga emigrantët ndërsa ka shtuar se qeveritë e dy vendeve duhet të punojnë më shumë për të kthyer besimin tek shteti dhe institucionet, aq sa diaspora të mendojë kthimin në Atdhe.
Read more:Një antihero i dëshpëruar i Homerit – Ide
“Shqipëria bëhet, Kosova bëhet! Vendet tona përballen me probleme ku më i mprehti është largimi i rinisë. Dua tu dërgoj një mesazh atyre që kanë marrë rrugën e dhimbshme të kurbetit. Kjo ditë është e juaja. Mërgimtarët janë mbështetja më e madhe ekonomike për vendet tona dhe për familjet e tyre dhe burim kulture dhe demokratizimi që e marrin në shoqëritë ku jetojnë e punojnë. E di që atje ikin prej brengës dhe ende nuk kemi bërë mjaftueshëm që ata të besojnë në institucione drejtësi e shtet që të mendojnë rritjen e fëmijëve më Atdhe si opsionin më të mirë. Këtë betejë do ta bëjmë deri në fund e do ta fitojmë me ndihmën tuaj”, shprehet ai.
