Fundjava e fundit e muajit qershor ka sjellë fluks të lartë automjetesh dhe trafik të rënduar në aksin Lezhë–Milot, si edhe në rrugën që të çon drejt Shëngjinit.
Që prej orëve të para të mëngjesit të kësaj të shtune janë krijuar radhë kilometrike automjetesh, kryesisht me targa të Kosovës, të cilat po i drejtohen bregdetit të Shëngjinit dhe Velipojës për të kaluar fundjavën, të favorizuar edhe nga temperaturat e larta.
Read more:Përplasen dy makina pranë urës së Milotit, 4 të plagosur! Një në gjendje të rëndë
Për të menaxhuar situatën dhe për të lehtësuar qarkullimin, shërbimet e Policisë Rrugore janë vendosur në disa pika problematike, duke orientuar dhe disiplinuar lëvizjen e automjeteve.
