Një e re, e cila tha se jeton prej 20 vitesh jashtë Shqipërisë, mori fjalën në protestën e 44-të para Kryeministrisë, duke bërë thirrje për më shumë dëgjim të zërit të qytetarëve dhe mbrojtjen e mjedisit. Ajo u shpreh se nuk ka votuar asnjëherë në Shqipëri, por beson se vendimmarrja duhet të mbështetet te vullneti i qytetarëve.
Sipas saj, pakënaqësia e qytetarëve është rritur dhe shumë shqiptarë që jetojnë jashtë vendit dëshirojnë të rikthehen.
Read more:Nesër kallëzimi në SPAK për 4 mln eurot e Kanye West/ Rama justifikohet: Fajin e kanë protestuesit
Ajo kritikoi gjithashtu mbulimin mediatik të protestës, duke pretenduar se vetëm dy media e kanë pasqyruar atë. “Shoh vetëm dy media këtu. Në këto 44 ditë u tregua se kush janë të shitur e kush janë servilë”, deklaroi ajo.
“Kam studiuar dhe jetoj prej 20 vitesh jashtë. Nuk kam votuar asnjëherë këtu. Vendimmarrja e popullit duhet të dëgjohet për çdo vendim. Jam për anulimin e ligjit. Do të doja të mbrohej laguna e Vjosës dhe Nartës. Popullit i ka vajtur në majë të humbur. Nipi im është 15 vite dhe nuk e kam jetuar asnjë çast këtu. Nëna ime është e moshuar këtu. Shqiptarët duhet të kthehen në vend, pasi kemi nxitur shpresën. Shoh vetëm dy media këtu. Në këto 44 ditë u tregua se kush janë të shitur e kush janë servilë.”, tha ajo.
