Një nga protestuesit e pranishëm në tubimin e radhës deklaroi se do të vazhdojë protestën për aq kohë sa të jetë e nevojshme, duke akuzuar qeverinë se i ka shkatërruar pronën dhe jetën. Në prononcimin e tij, ai tha se kërkon largimin e kryeministrit Edi Rama dhe mbajtjen përgjegjëse të zyrtarëve që, sipas tij, kanë dëmtuar qytetarët.
Protestuesi pretendoi se në vitin 2020 ish-zëvendëskryeministrja Belinda Balluku i prishi projektin dhe i shembi banesën. Ai kritikoi edhe politikat e punësimit, duke u shprehur se prioritet duhet t’u jepet qytetarëve shqiptarë. Në fund, ai paralajmëroi se do të vijojë protestën, madje edhe me grevë urie.
“Më mirë në protestë, deri në grevë urie, derisa të shporret Rama”, përfundoi ai. “Kam 47 ditë këtu dhe 4 mijë e ca ditë do rri, vetëm të ikin Edi Rama. Rama në burg, Berisha dhe Belinda. Belinda të japë dorëheqjen. Na kanë shkatërruar shtëpitë, pronat, jetën. Bëra shtëpi e ma prishën. Kjo Belinda në 2020 ma prishi projektin dhe shkatërroi shtëpinë. Na kërcënoi të firmosim. Ose firmose ose do të shkatërrojmë. 6 dynym tokë që kam pasur s’përgjigjet kush. Shtëpinë ma shkatërruan. Këta sjellin vetëm indianë, s’jam rracist, por punëso të parët shqiptarët. Më mirë në protestë, deri në grevë urie, deri sa të shporret Rama.”, tha ai.
Read more:Kukësi, Gjirokastra dhe Elbasani me rënien më të fortë të punësimit në 2025
