Pas ditëve përvëluese, duket se moti mbrëmjen e sotme ka marrë një tjetër kthesë. Në disa qytete përfshirë Tiranën, Fierin, Vlorën e Kukësin janë rikthyer reshjet e shiut.
Në disa zona ato janë shoqëruar me erëra dhe shkarkesa elektrike. Kështu në Kukës erërat e forta kanë shkaktuar problem në disa fshatra, kryesisht sa i përket furnizimit me energji elektrike.
Nga stuhia që zgjati vetëm 10 minuta në qytetin bregdetar të Vlorës u rrëzuan pemë, u dëmtuan tendat e karriget e lokaleve si dhe çadrat e vendosura në plazhe. Ndërkohë disa nga karriget e lokaleve në zonën e Lungomares ‘fluturuan’ nga era e fortë në rrugën kryesore.
Read more:Reshje të izoluara dhe temperatura të larta, parashikimi i motit sot
Më herët edhe specialistja e Institutit të Gjeoshkencave, Anira Gjoni, tha për Report Tv se pse java nisi me temperatura të larta, vijimi i saj do të jetë më i freskët. Rënia më e ndjeshme e temperaturave pritet të shënohet të premten.
Saranda ‘pushtohet’ nga moti i keq, rrëzimi i një pishe dëmton tre automjete (VIDEO)
Edhe Saranda është ‘pushtuar’ sonte nga reshjet e shiut dhe erërat e forta.
Tre automjete janë dëmtuar si pasojë e rrëzimit të një pishe në zonën e stadiumit
Xh.K/SI.E./Shqiptarja.com
