Autoriteti Kombëtar i Ushqimit ka lëshuar një tjetër alarm për sigurinë ushqimore, duke njoftuar se në tregun shqiptar është identifikuar një pije jo-alkoolike e sjellë nga Italia që paraqet rrezik serioz për shëndetin e konsumatorëve. Bëhet fjalë për aperitivin Pizzolato Spritz e cila tregtohet në rrjetin e marketeve Bio Ju, me administrator Doriget Hysa dhe ortak Leonard Kadiu.
Bëhet fjalë për produktin “Pizzolato Spritz aperitivo 0.0”, i cili është njoftuar nga Gjermania përmes sistemit europian RASFF, pasi ekziston rreziku i pranisë së copëzave të qelqit brenda shisheve.
AKU u bën thirrje të gjithë konsumatorëve që e kanë blerë këtë produkt të mos e konsumojnë dhe ta kthejnë pranë pikës së shitjes ku e kanë blerë.
Paralelisht, Autoriteti Kombëtar i Ushqimit ka njoftuar edhe për dy produkte ushqimore me origjinë nga Koreja e Jugut, të cilat janë raportuar si të prishura. Shqipëria është përfshirë në ndjekjen e këtij rasti pas njoftimit të ardhur nga Holanda përmes sistemit RASFF. Produktet janë YOPOKKI gnocchi di riso cup (njoki) dhe Yopokki ricecake cup kimchi (kek orizi). Importuese wshtw kompania KF2019 SHPK me adminstrator Zhixiong Tie.
“Në vijim të njoftimit të kategorisë, Njoftim Informues për Vëmendje, me temë: “Kek i prishur me origjinë nga Korea e Jugut”, duke përbërë risk serioz për shëndetin e njeriut, njoftuar nga Holanda, në të cilin Shqipëria është etiketuar për ndjekje nga sistemi RASFF (Rapid Alert Sistem for Food and Feed)”, thuhet në njoftim.
