Dy muaj rezistencë. Qytetarët shqiptarët protestojnë prej 2 muajsh kundër kryeministrit Edi Rama dhe kërkojnë largimin e tij.
Gazetari Osman Stafa, në një intervistë në “News24”, u shpreh se qytetarët janë të vendosur, dhe kërkojnë largimin e gjithë klasës politike 36-vjeçare që kanë sjellë gjendjen e vështirë të jetesës në vend.
“Njerëzit po besojnë se politika në Shqipëri është përgjegjëse për situatën ku jetojnë sot. Nuk kërkojnë vetëm dorëheqjen e kryeministrit, por janë edhe kundër gjithë klasës politike 36-vjeçare”, tha ai.
Gjithashtu Osmani theksoi se pretimet që kryeministri Rama ka bërë nuk janë mbajtur, duke renditur këtu ujin 24 orë, legalizimet apo shëndetësinë falas.
“Pas çdo mandati që ka fituar Rama ka bërë një takim, ka vënë në shënjestër administratën apo premtime, por të gjitha janë harruar. Besa e një politikani është premtimi që ai jep. Uji i premtuar për mandatin e parë, legalizimet, shëndetësia falas…Kuçedra me tre kokë po na ha lumenjtë, se ndërtojnë HEC-e, zonat e mbrojtura i shkatërrojnë…Çfarë bese kërkon?”, u shpreh gazetari Stafa.
