Shkelje në tendera/ Balluku e pandehur edhe për lotet e tjerë të Unazës së Madhe! SPAK për News24: U thirr në Prokurorinë e Posaçme për t’u njohur me akuzat

Ish-zv.kryeministrja Belinda Balluku u paraqit ditën e sotme në SPAK. Pas rreth 20 minuta, Balluku ka lënë ambientet e SPAK, ndërsa iu komunikua zgjatja e hetimeve.

Ndërkohë lidhur me këtë çështje SPAK ka reaguar për “News24”.

“Znj Belinda Balluku është thirrur në Prokurorinë e Posaçme për t’u njohur me akuzën, e cila lidhet me disa procedura prokurimi, objekt hetimi; për t’u pyetur lidhur me akuzat si edhe për t’i komunikuar akte të tjera procedurale”, thuhet në reagimin e News24.

Read more:“Bela vasalja e mretit, tregoi SPAK-ut vjedhjen e buxhetit”/ Pritet t’i komunikohen akuza të reja, të rinjtë zgjedhin mënyrën e veçantë për të protestuar ndaj Ballukut

Përveç akuzave të reja, Ballukut iu komunikua edhe zgjatja me 3 muaj e hetimeve. Ndaj Ballukut tashmë rëndojnë akuzat e shkeljes së barazisë në tenderë.

Ndërkohë vijon hetimi për korrupsion e pastrim parash, lidhur me dy tenderë me vlerë mbi 1 mln euro në kohën kur Balluku ishte drejtoreshë e Përgjithshme e “Albcontrol”.