Një aksident i rëndë është regjistruar në një galeri kromi në malin e Tërnovës të Bulqizës.
Minatri 40-vjeçar Ilir Kalavari dyshohet se ka rënë në një furnel dhe është mbuluar nga kromi. Autoritetet po punojnë për gjetjen dhe nxjerrjen e tij.
Njoftim i policisë:
Rreth orës 13:00, në vendin e quajtur Tërnovë e Madhe, bashkia Bulqizë, shtetasi I. K., 40 vjeç, banues në Burrel, me detyrë minator/brigadier në një subjekt privat, dyshohet se ka rënë në një furnel gjatë procesit të punës.
Paraprakisht dyshohet se 40-vjeçari është mbuluar nga materiali i kromit. Shërbimet e kërkim-shpëtimit dhe shërbimet e Policisë ndodhen në vendngjarje dhe po vijojnë punën për lokalizimin dhe nxjerrjen e tij.
Grupi hetimor po punon për sqarimin e plotë të rrethanave të ngjarjes.
