Kolumbiani Samir Rosales Rodriguez, i ekstraduar të enjten në Tiranë si pjesë e grupit kriminal të laboratorit të kokainës në Frakull, u njoh me rivlerësimin e masës “arrest në burg” në Gjykatën e Posaçme këtë të shtunë.
Saimir Rosales Rodriguez është sjellë në Shqipëri për të vuajtur dënimin me 14 vite burg, të dhënë nga GJKKO pas hetimeve të SPAK për laboratorin e kokainës në Frakull.
Rodriguez, do të vuaj dënimin me 14 vite burg të dhënë më herët në mungesë nga GJKKO. I njohur si “Kimisti”, konsiderohet një nga personazhet kyç të grupit të përfshirë në laboratorin e kokainës në Frakull. Ai ishte larguar nga Shqipëria pas operacionit, por u arrestua në Ekuador, në shtator 2025.
Sipas dosjes hetimore, kolumbiani kishte rol kyç në procesin e përpunimit dhe ndarjes së lëndës narkotike në laboratorin që u zbulua gjatë operacionit të autoriteteve shqiptare. Kokaina fshihej në pleh artificial. Ajo vinte nga Kolumbia, ndërsa në Shqipëri bëhej ekstraktimi i saj nga plehu. Hetimi i nisur në vitin 2022, e zbuloi lëndën narkotike në magazinën e familjes Çervanaku ku u sekuestruan mbi 480 kg lëndë narkotike.
Read more:Dy mafiozë, një kufomë dhe vëllai i Aleksandër Vuçiçit në Serbi – Blog
——————————-
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë
