Kryeministri Edi Rama ka reaguar për zjarrin masiv në malin e Krujës, duke vlerësuar punën e zjarrfikësve, ushtrisë dhe policisë.
Rama tha se zjarri u vu nën kontroll me vetëm një magazinë të shkrumbuar dhe pa asnjë banor të dëmtuar, pavarësisht erës së fortë dhe pamundësisë për ndërhyrje ajrore gjatë natës.
“Respekt dhe mirënjohje për heronjtë tanë të vijës së zjarreve”, shkroi Rama, duke theksuar se ndërhyrja profesionale shmangu një bilanc tragjik.
Read more:FOTOLAJM/ Braktisi PS, Marjana Koçeku shfaqet mes protestuesve
Postimi në rrjetet sociale:
Ka përfunduar me vetëm një magazinë të shkrumbuar dhe asnjë banor të dëmtuar, një betejë e jashtëzakonshme me zjarrin në malin e Krujës, ku në praninë e erës dhe në pamundësinë e natës për të përdorur mjete zjarrshuajtëse nga ajri, trupat tona zjarrfikëse, ushtarake e policore u përballën me heroizëm e me aftësi të spikatur profesionale, duke shmangur një bilanc që mund të kishte qenë tragjik siç fatkeqësisht po ndodh në vende të tjera të Europës në këtë verë përvëluese.
Respekt dhe mirënjohje për heronjtë tanë të vijës së zjarreve të këtij gushti sfidues, ku mbrëmë banorët e Krujës panë se nuk ishin vetën në orët e tyre tejet të vështira, siç dëshmon edhe ky mesazh ndër disa që më dërguan mbrëmë në orët e natës:
