Në Vilëz të Kurbinit dhe ne Krastë të Krujës, janë dy zonat ku ende vazhdojnë të jenë aktive vatrat e zjarrit. Në Krastë ku është aktivizuar një helikopter për shkak të terrenit të vështirë, por fatmirësisht nuk ka rrezik për banesat. Gjithashtu ka edhe forca zjarrfikëse nga toka dhe situata po përmirësohet pasi po shkohet drejt lokalizimit e izolimit të flakëve.
Zjarri që përfshiu një ditë më parë një sipërfaqeje të madhe me pisha në Abaze të Krujës është kthyer në vatra të vogla.
Situata paraqitet nën kontroll edhe në dy vatrat në Mallakastër që prej disa ditësh kanë qenë kërcënuese. Më shumë se 40 forca zjarrfikëse janë aktivizuar në operacionin në Drenie e Patos, me pompa krahu pasi terreni është i thepisur.
Vatrat e mbetura po eliminohen edhe në Cikallesh të Kavajës, Dajt e Priskë.
Lajm në përditësim…
Mallakastër/ Merr fund beteja me flakët, nuk ka më vatra aktive zjarri në Drenie dhe Vlosh (VIDEO)
Situata e zjarreve në zonën pyjore të Drenies, në kufirin mes bashkive Patos dhe Roskovec, paraqitet e qetësuar. Burime nga terreni konfirmojnë se aktualisht nuk ka më vatra aktive zjarri në pyllin me pisha të kësaj zone.
Edhe pse flakët janë shuar, në disa zona vijojnë të shfaqen vatra të vogla që nxjerrin tym, kryesisht nga trungje dhe dru të djegur. Forcat zjarrfikëse po ndërhyjnë menjëherë për t’i shuar ato, me qëllim që të mos krijohet mundësia e riaktivizimit të zjarrit nga era.
Burimet nga terreni bëjnë me dije se situata mbetet nën kontroll dhe se nuk ka më fronte apo vatra aktive zjarri në pyllin me pisha të zonës së Drenies dhe Vloshtit.
Forcat që morën pjesë në operacion vijojnë monitorimin e territorit, pasi rreziku i riaktivizimit mbetet i pranishëm për shkak të temperaturave të larta, terrenit të djegur dhe erës që vijon të fryjë.
Aktualisht, në zonë vërehen kryesisht drurë të djegur që vijojnë të nxjerrin tym, të cilët po shuhen nga ekipet në terren për të garantuar izolimin përfundimtar të zjarrit.
Zjarri në Krastë të Krujës, 50 efektivë në terren për izolimin e plotë të flakëve! Pamjet nga ajri tregojnë zonën e djegur (VIDEO)
Flakët në Krastë të Krujës janë vënë nën kontroll. 50 efektivë janë angazhuar për izolimin e plotë të zjarrit, një ndërhyrje e zhvilluar në terren të vështirë, njofton Ministria e Mbrojtjes.
Pamjet nga lart tregojnë edhe sipërfaqen e djegur dhe tymin që ngrihet në këtë zonë.
Siç është raportuar më herët, tani zjarri nuk i kërcënon më banesat.
“50 efektivë të Forcave të Armatosura janë angazhuar në Krastë të Krujës, ku prej ditës së djeshme po punohet për izolimin e plotë të zjarrit.
Situata aktualisht është nën kontroll, ndërsa ndërhyrja është zhvilluar në një terren të vështirë.
Efektivët e Forcave të Armatosura, së bashku me forcat zjarrfikëse dhe strukturat e emergjencave vijojnë të qëndrojnë në terren për monitorimin e vatrave dhe ndërhyrjen në rast nevoje.
Zjarri në Drenie të Patosit dhe në zonën e Mallakastrës, më shumë se 40 forca po punojnë për shuarjen e flakëve (VIDEO)
Zjarrfiksësit kanë vijuar punën edhe mëngjesin e sotëm për izolimin e vatrës së zjarrit në zonën e Mallakastrës dhe në Drenie, bashkia Patos.
Më shumë se 40 forca zjarrfikëse janë angazhuar për fijen e plotë dy zjarreve.
