Një kontroll rutinë në Portin e Durrësit zbuloi një ngarkesë me mallra të padeklaruara në një kamion që kishte mbërritur me tragetin e linjës Ankona–Durrës. Mes produkteve të gjetura kishte kremra kozmetikë, shishe verë dhe kondicionerë, të cilat nuk ishin deklaruar nga drejtuesi i mjetit.
Kontrolli u krye nga Dega e Doganës Durrës, në bashkëpunim me strukturat e Policisë Kufitare, në vijën e dytë të kontrollit të mjeteve të rënda. Gjatë verifikimeve, në pjesën e pasme të kamionit u konstatuan 20 kuti me nga 6 shishe verë, 2 kondicionerë të rinj dhe 238 kremra kozmetikë.
Sipas Doganës, e gjithë kjo sasi mallrash rezultoi e padeklaruar nga drejtuesi i mjetit.
Read more:E selektuan për kontroll, Dogana i gjen produkte dentare të padeklaruara dhe pa licencë për import
Pas konstatimit, mjeti dhe drejtuesi i tij iu referuan strukturave të DVKM Durrës, të cilat do të vijojnë procedurat e mëtejshme sipas ligjit.
