Vatra e zjarrit në masivin pyjor të Peshtanit në Fier është neutralizuar pas ndërhyrjes së shpejtë të forcave zjarrfikëse. Reagimi i menjëhershëm i strukturave të emergjencave si dhë ndihma e banorëve të zonës bëri të mundur izolimin e flakëve dhe shmangien e përhapjes së tyre në sipërfaqe të tjera.
Sipas bilancit paraprak, nga zjarri i sotëm është djegur një kasolle e braktisur, ndërsa flakët kanë përshkuar rreth 7 dynymë me shkurre. Forcat zjarrfikëse vijojnë monitorimin e zonës për të shmangur riaktivizimin e vatrave të zjarrit.
Në zonat e tjera të vendit ku ka pasur vatra zjarri, nuk rrezikohet asnjë banesë. Në të gjitha zonat ku ka zjarre vijon ndërhyrja nga toka dhe ajri.
Sipas njoftimit të fundit nga MIA, vatrat kryesore aktive janë Dajt, Abazaj–Krujë, Gurë-Lurë, Nëmerçkë–Dhëmbel, Trojë, Lugaxhi, Dhivër–Finiq dhe zona të Mallakastrës, Patosit e Mirditës.
Lajm në përditësim…
