Lejoi ndërtimin pa leje të ‘Copacabana’ nën dyshimet për ryshfet, Apeli liron nga qelia ish-shefin e Komisariatit të Sarandës, Gëzim Bashllarin!

Gjykata e Apelit të Juridiksionit të Përgjithshëm ka liruar nga qelia ish-shefin e Komisariatit të Policisë Sarandë, Gëzim Bashllari.

Burime për Report Tv bëjnë të ditur se Apeli ka pranuar kërkesën e avokatit Sokol Tahiraj, duke ndryshuar masën e sigurimit ndaj tij nga ‘arrest me burg’ në ‘detyrim paraqitje’.

Po ashtu mësohet se vendimi është dhënë nga gjyqtarja Natasha Mulaj. Ish-drejtuesi i Policisë u ndalua më parë nga Agjencia e Mbikëqyrjes Policore (AMP) nën dyshimet për shpërdorim detyre lidhur me ndërtimet pa leje në zonën e Sarandës dhe Ksamilit.

Read more:U përjashtua nga gara për kreun e PD/ Mereme Sela nuk heq dorë, dërgon në Apel vendimin e pushimit të ankimimit të saj nga Gjykata e Shkallës së Parë

Bashllari u arrestua bashkë me 3 inspektorë të tjerë të Policisë së Sarandës dhe në 19 maj të vitit 2026, Gjykata e Sarandës caktoi masën e ‘arrestit me burg’ ndaj Gëzim Bashllarit dhe Robert Cullajt, ndërsa për Ajdin Islamajn dhe Andi Duron u vendos masa “arrest në shtëpi”.

Arrestimi i tyre lidhej drejtpërdrejtë me ndërtimin pa leje të beach barit Copacabana, i cili u shemb nga IKMT në 18 maj. Kryepolici i Sarandës dhe varësit e tij kishin lejuar ndërtimin pa leje të beach barit, nën dyshimet për ryshfet.

Read more:Spanja e kërkonte për trafik kokaine, arrestohet në Rinas 43-vjeçari nga Kosova

Lidhur me ndërtimin pa leje të ‘Copacabana’ u pezullua nga detyra edhe shefi i Krimeve në Sarandë, Blerim Tafçiu.

——————————-

Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë