Fshati Gojan në Pukë po përpihet nga flakët që po favorizohen nga era e fortë, siç pamjet me dron nga Report Tv tregojnë. Për shkak të rrezikut, janë evakuuar 3 familje, ndërsa është djegur edhe mulliri i fshatit.
Tre helikopterë janë angazhuar për shuarjen e flakëve, ndërsa 40 efektivë të Forcave të Armatosura dhe 1 automjet zjarrfikës po mbështesin operacionin nga toka. Nga vatrat dëgjohen edhe shpërthime që dyshohet të shkaktohen nga fishekët. Po ashtu, sipas Ministrisë së Mbrojtjes, në terren janë angazhuar edhe 5 automjete zjarrfikëse me 19 efektivë të Zjarrfikwses Pukë dhe Fushë-Arrëz, 10 punonjës të Shërbimit Pyjor, 40 forca bashkiake dhe 30 vullnetarë.
Ministria e Mbrojtjes ka njoftuar se gjatë evakuimeve i është dhënë përparësi fëmijëve, të moshuarve dhe personave me probleme shëndetësore. Falë ndërhyrjes së strukturave në terren dhe nga ajri, sipas Ministrisë së Mbrojtjes, rreziku më i madh për zonën e banuar ka kaluar, ndërsa operacioni vijon për vënien e plotë nën kontroll të situatës.
Procesi i evakuimit dhe operacioni po zhvillohen në koordinim me Agjencinë Kombëtare të Mbrojtjes Civile (AKMC), Prefekturën e Qarkut Shkodër, strukturat e emergjencave civile të Bashkisë Pukë, Policinë e Shtetit dhe shërbimet zjarrfikëse.
Edhe masivi pyjor mbi qytetin e Milotit po digjet nga flakët që po përhapen shpejt nga bimësia e dendur, ndërsa janë në rrezik edhe banesat. Në terren ka nisur edhe ndërhyrja nga ajri për izolimin e flakëve.
Një vatër zjarri në Bilaj të Krujës është përhapur duke djegur disa hektarë me toka djerrë dhe një sipërfaqe me pemë. Zjarri i është afruar autostradës Thumanë-Kashar ku tymi vështirëson lëvizjen.
Në Dajt është regjistruar një riaktivizim i vatrës, ndërsa operacioni vijon me 1 helikopter, por nuk ka rrezik për zonat e banuara.
Vatrat të tjera janë në Lufaj, Gjorm të Sipërm, Tunjë të Re, Rraja e Velës.
Gurë-Lura dhe Qafë Helmes vijojnë të mbahen nën monitorim, me situatën të stabilizuar dhe pa rrezik për zonat e banuara.
Lajm në përditësim…
Vlorë/ Disa vatra zjarri në fshatin Dukat, e pamundur ndërhyrja e automjeteve zjarrfikëse (VIDEO)
Disa vatra zjarri janë aktivizuar njëkohësisht në kodrat e fshatit Dukat, në Vlorë.
Burime për Report Tv bëjnë të ditur se zjarri është pikasur nga disa banorë të cilët kanë njoftuar policinë dhe zjarrfikësen.
Disa prej banorëve janë nisur edhe vetë drejt zonës së përfshirë nga flakët, për të ndihmuar në shuarjen e zjarrit.
Zjarr po zgjerohet ndërsa zona është e mbushur me shkurre. Automjetet zjarrfikëse e kanë të pamundur të ndërhyjnë, për shkak të terrenit të vështirë.
Zjarri në Milot rrezikon banesat, 20 forca të ushtrisë dhe 2 helikopterë në luftë me flakët (VIDEO)
Situata e krijuar nga zjarri në Milot vijon të jetë e vështirë, ndërsa flakët janë afruar ndjeshëm pranë disa banesave, duke i rrezikuar seriozisht ato.
Në terren po vijon operacioni për vënien nën kontroll të zjarrit, ku ndërhyrja po kryhet edhe nga ajri me dy helikopterë. Në operacion janë angazhuar rreth 20 forca të ushtrisë, së bashku me shërbimet zjarrfikëse të Kurbinit, Lezhës, Kamzës dhe Vorës.
Puna e forcave në terren po vështirësohet nga dendësia e pyllit me pisha, e cila favorizon përhapjen e shpejtë të flakëve dhe e bën të vështirë ndërhyrjen në disa zona.
Forcat operacionale po vijojnë përpjekjet për të izoluar vatrat dhe për të parandaluar përhapjen e zjarrit në drejtim të banesave.
Zjarri në Gojan të Pukës, Ministria e Mbrojtjes: Tre helikopterë në terren, kanë nisur evakuimet! Rreziku më i madh për banesat ka kaluar (VIDEO)
Ministria e Mbrojtjes ka njoftuar se në fshatin Gojan i Madh të Pukës, vijon ndërhyrja nga toka dhe ajri për menaxhimin e vatrës së zjarrit, në një terren të vështirë malor.
Në operacion janë angazhuar 5 automjete zjarrfikëse me 19 efektivë të Zjarrfikëses Pukë dhe Fushë-Arrëz, 10 punonjës të Shërbimit Pyjor, 40 forca bashkiake dhe 30 vullnetarë, të mbështetur nga 40 efektivë të Forcave të Armatosura, 1 automjet zjarrfikës dhe 3 helikopterë të Forcave të Armatosura. Aktualisht vijon edhe ndërhyrja nga ajri me helikopter.
Për shkak të situatës, ka nisur evakuimi i banorëve më të ekspozuar, duke i dhënë përparësi fëmijëve, të moshuarve dhe personave me probleme shëndetësore. Falë ndërhyrjes së strukturave në terren dhe nga ajri, rreziku më i madh për zonën e banuar ka kaluar, ndërsa operacioni vijon për vënien e plotë nën kontroll të situatës.
Procesi i evakuimit dhe operacioni po zhvillohen në koordinim me Agjencinë Kombëtare të Mbrojtjes Civile (AKMC), Prefekturën e Qarkut Shkodër, strukturat e emergjencave civile të Bashkisë Pukë, Policinë e Shtetit dhe shërbimet zjarrfikëse.
AKMC vijon koordinimin dhe monitorimin e situatës, në bashkëpunim me të gjitha strukturat e sistemit të Mbrojtjes Civile.
Zjarr në Bilaj të Krujës, digjen sipërfaqe toke e pemë! Flakët pranë autostradës Thumanë-Kashar
Një vatër zjarri në Bilaj të Krujës është përhapur duke djegur disa hektarë me toka djerrë dhe një sipërfaqe me pemë. Zjarri i është afruar autostradës Thumanë-Kashar ku tymi vështirëson lëvizjen.
Read more:Zjarret në vend, 5 ende aktive dhe 3 nën monitorim! Përmirësohet situata në Pukë (VIDEO)
Forcat zjarrfikëse po punojnë për lokalizimin e vatrave të shpërndara në disa pika.
Zjarri në Gojan u afrohen banesave, nisin evakuimet! Prefektja e Shkodrës: Bashkëpunoni me autoritetet për të mbrojtur jetën
Prefektja e Shkodrës, Holta Duda, thotë se forcat zjarrfikëse janë pozicionuar pranë banesave për të mos lejuar përhapjen e zjarrit drejt banesave të Gojanit.
“Ndodhemi në një vazhdimësi të vatrës së mëparshme. Forcat zjarrfikëse janë pozicionuar në rrugën pranë banesave që në momentin e përparimit të flakëve të mbrojnë jetën e qytetarëve, pronën dhe gjënë e gjallë”, shprehet Duda.
Kanë nisur edhe evakuimet, ndërsa apeli i Dudës është bashkëpumimi i banorëve dhe mbrojtja e natyrës.
“Apeli për banorët është bashkëpunimi me të gjitha forcat operacionale për mbrojtjen e jetës së vet, gjësë së gjallë dhe banesës. Nëse nuk e mbrojmë ne tokën tonë, s’mund t’i shmangemi fatkeqësive të tilla me motin, erëra kaq të forta që mund të favorizojnë edhe këto situata që përjetojmë”, shprehet Duda.
Vatër zjarri në masivin pyjor në Milot, flakët afrohen drejt banesave! Nis ndërhyrja nga ajri, prefekti i Lezhës: Situatë e vështirë!
Një vatër zjarri ka shpërthyer në masivin pyjor mbi qytetin e Milotit duke krijuar një situatë problematike për shkak të përhapjes së shpejtë të flakëve.
Bimësia e dendur në zonë favorizon përhapjen e zjarrit, ndërsa flakët dhe tymi po afrohen drejt zonës së banuar, duke rritur shqetësimin për banorët dhe objektet pranë saj.
Në terren janë angazhuar forcat zjarrfikëse të Bashkisë Kurbin, së bashku me strukturat e tjera të emergjencave, të cilat po punojnë për vënien nën kontroll të situatës dhe parandalimin e avancimit të flakëve.
Për shkak të terrenit dhe bimësisë së dendur, ndërhyrja paraqitet e vështirë, ndërsa vijon monitorimi i situatës për të shmangur çdo rrezik të mëtejshëm për zonën e banuar.
Sipas prefektit të qarkut Lezhë, Taulant Malshi, i cili ndodhet në vendngjarje, situata paraqitet e vështirë për shkak të terrenit të thyer dhe afërsisë së vatrës së zjarrit me banesat.
Për shkak të vështirësive në ndërhyrjen nga toka dhe përhapjes së shpejtë të flakëve, e favorizuar nga bimësia e dendur, ka nisur edhe ndërhyrja nga ajri për të frenuar avancimin e zjarrit dhe për të shmangur rrezikimin e zonës së banuar.
Forcat zjarrfikëse dhe strukturat e emergjencave vijojnë të jenë të angazhuara në terren, ndërsa situata po monitorohet në mënyrë të vazhdueshme. Ndërkohë në ndihmë të zjarrfikësve të Kurbinit kanë shkuar dhe ata të Lezhës e Kamzës.
Era favorizon flakët në Gojan të Pukës, digjet mulliri i fshatit
Zjarri në Gojan të Vogël të Pukës është përkeqësuar si pasojë e erës.
Si pasojë e flakëve zjarri ka djegur mullirin e fshatit, teksa vijon të përhapet drejt Gojan të Madh.
Zjarr në Janç Mal të Gramshit, terreni i thepisur vështirëson ndërhyrjen e zjarrfikësve (VIDEO)
Një vatër zjarri është regjistruar sot në fshatin Janç Mal, Gramsh.
Read more:Zjarret në vend, 5 ende aktive dhe 3 nën monitorim! Përmirësohet situata në Pukë (VIDEO)
Terreni i thepisur ka vështirësuar ndërhyrjen e mjeteve zjarrfikësve.
Për neutralizimin e zjarrit janë angazhuar 8 punonjës te shërbimit zjarrfikes dhe 5 punonjës të shërbimit pyjor të Gramshit.
Dy vatra zjarri në Mirditë, nuk ka rrezik për banesat
Zjarri që ka përfshirë territorin e Pukës ka kaluar edhe në Mirditë, duke aktivizuar një vatër në lagjen Molaj, në fshatin Shtuf, Kaçinar.
Sipas informacionit zyrtar, zjarri ka ardhur nga Mali i Tërbunit në Pukë dhe vijon të jetë aktiv. Për shuarjen e tij po punojnë katër efektivë zjarrfikës me një mjet, ndërsa ndërhyrja po kryhet edhe me mjete personale.
Ndërkohë, aktive vijon të jetë edhe vatra pranë Shpellës së Valit, në fshatin Përlat i Epërm, si vazhdim i zjarrit të Lufajve. Zjarri paraqitet me intensitet të ulët. Në këtë zonë po punojnë një mjet zjarrfikës me katër efektivë, si dhe tetë punonjës të shërbimit pyjor. Edhe këtu ndërhyrja po kryhet me mjete personale.
Në të dyja vatrat nuk raportohet rrezik për banesat.
Vatra e zjarrit në Rrajë të Velës është shuar mbrëmjen e djeshme.
