Shkolla “Edith Durham” është gati të hapë dyert në shtator me hapësira të reja dhe moderne për nxënësit dhe mësuesit.
Kryeministri Edi Rama ndau disa pamje nga ambientet e rikonstruktuara të shkollës 9-vjeçare në kryeqytet, ku shprehet se nga ky shtator, nxënësit do ta zhvillojnë mësimin në ambientet e shkollës
“Gati shkolla e re ‘Edith Durham’
Shkolla “Edith Durham” është gati të hapë dyert për nxënësit dhe mësuesit, me hapësira të reja, klasa, laboratorë, ambiente sportive dhe kushte më të mira për mësim e aktivitete ‘pas shkolle’.
Read more:Viti i ri shkollor, programi ‘Pas Shkolle’ do të shtrihet në mbi 400 institucione arsimore
Nga ky shtator, nxënësit do ta zhvillojnë mësimin në ambientet e shkollës së tyre, duke i dhënë fund një zgjidhjeje të shumëpritur për familjet e komunitetit dhe duke nisur një kapitull të ri për këtë shkollë.
Ta gëzojnë nxënësit dhe ta mbushin me zërat e tyre!”,shkroi Kryeministri Rama.
