Kryeministri Edi Rama teksa shpalosi detaje nga nisma e re “Prania besnike” ku deputetët do të takohen me qytetarët, për të dëgjuar nga afër hallet e këtyre të fundit, nuk u kursye me të vetët, duke u dhënë porosi.
Gjatë takimit me ministra dhe deputetë socialistë, Rama tha se deputetët nuk duhet të bëjnë rolin e sekserit apo të jenë zyra punësimi apo për rekrutimin e patronazhistëve.
“Prania Besnike kërkon që Deputeti nuk duhet të marrë në telefon një drejtor dhe t’i kërkojë nderë. Në praninë besnike nuk shkohet për të treguar se sa janë rritur të ardhurat ekonomike, por çfarë nuk na thotë rritja ekonomike. Në praninë besnike nuk shkohet për të marrë vota, për të rekrutuar patronazhistët e ardhshëm për për të marrë hallin deh për ta referuar te institucionet. Ndërkohë, merret përsipër që të ndiqet dhe në emër të qytetarit, përveç se ai vetë do të bëjë ndjekjen e vetë, rruga e hallit. Këtu ka një vijë të panegociuar që prania besnike të ketë sukses dhe nëse Besa mos të grabitet nga përmbajtja, që Pasqyra të funksionojë jo si shfaqja e fundit e PS në hapësirën publike para zhdukjes së saj për që t’i japë një fuqi të re partisë sonë. Vija e panegociueshme është; partia nuk bëhen shtetin. Nuk është sportel punësimi. Militanti nuk është rruga e qytetarit për të marrë të drejtën që jep ligji dhe të gjithë sëbashku nuk janë Kalaja Dibrane për të kapërcyer pragun e meritës. Sistemi do të përgjigjet vetë. Politika duhet të jetë antenë për shtetin që dëgjon dhe jo kanal paralel i shtetit që nuk funksionon.”, tha ai.
