Shkodër-Ylber Luli, 24 vjeç, është i riu që humbi jetën mëngjesin e kësaj të marte rreth orës 05:30 pas një konflikti në lagjen “Kongresi i Përmetit” në Shkodër. Jeta e tij u ndërpre pas një përplasjeje mes 25-vjeçarit Andri Vulaj.
Dy të rinjtë fillimisht janë konfliktuar gjatë mbrëmjes në një lokal në zonën e Gjuhadolit- motivet ende që nuk dihen. Autori i dyshuar nuk e ka lën sherrin me kaq dhe rreth orës 5:00 ka shkuar i armatosur në banesën e viktimës për t’u sqaruar. Viktima dhe autori janë përleshur me njëri tjetrin fizikisht ndërsa në këtë përleshje është përfshirë edhe babai i viktimës Qamil Luli, 63 vjeç.
Sipas policisë së Shkodrës, babë e bir kanë plagosur me thikë Andri Vulaj. Ky i fundit ka nxjerrë armën, duke qëlluar në drejtim të 24 vjeçarit i cili humbi jetën në vend, ndërsa babai i tij mbeti i plagosur. Pas ngjarjes 25-vjeçari u arrestua nga policia, ndërsa pistoleta u sekuestrua si provë materiale.
Report Tv siguroi foton e viktimës dhe sipas informacioneve 24-vjeçari ka jetuar disa kohë në Skoci dhe pas kthimit në Shqipëri ishte i angazhuar në sektorin e turizmit në qytet dhe punonte si udhërrëfyes turistik.
Ylber Luli gjithashtu më herët merrej edhe me sport. Në 2019-ën zuri vendin e dytë në kampionatin ndërkombtar “Albania Open” në sportin e Brazilian Jiu-Jitsu.
“Rreth orës 05:30, në lagjen “Kongresi i Përmetit”, Shkodër, dyshohet se, si pasojë e një konflikti për motive të dobëta, shtetasi A. V. ka plagosur me armë zjarri shtetasit Q. L., 63 vjeç, dhe Y. L., 24 vjeç (babë e bir), ndërsa këta të fundit dyshohet se kanë plagosur me mjet prerës (thikë) shtetasin A. V., 25 vjeç.
Si pasojë e plagëve të marra, shtetasi Y. L., 24 vjeç, ka ndërruar jetë në spital.
Shërbimet e Policisë kanë shkuar në vendngjarje, ku kanë bërë të mundur kapjen dhe shoqërimin e shtetasit A. V., si dhe gjetjen dhe sekuestrimin e armës së zjarrit, pistoletë, që dyshohet se është përdorur në ngjarje”, njoftoi sot policia.
Grupi hetimor vijon veprimet për sqarimin e plotë të rrethanave të ngjarjes, përcaktimin e përgjegjësive dhe dokumentimin e plotë ligjor të saj.
——————————-
Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë
Punonte si udhërrëfyes turistik, kush është 24-vjeçari që u vra nga bashkëmoshatari në Shkodër (FOTO)
Ylber Luli dhe foto nga vendi i ngjarjes
Report Tv ka siguruar foton e 24-vjeçarit që u vra nga një bashkëmoshatar pas një sherri në Shkodër. I riu humbi jetën në spital pas plagëve të marra, ndërkohë autori ra në prangat e policisë.
Read more:Qëlloi me pistoletë në ajër pas një konflikti, pranga 53-vjeçarit në Himarë (VIDEO)
Sipas informacioneve viktima ka jetuar disa kohë në Skoci dhe pas kthimit në Shqipëri ishte i angazhuar në sektorin e turizmit në qytet dhe punonte si udhërrëfyes turistik.
Ylber Luli gjithashtu më herët është marrë edhe me sport. Në 2019-ën zuri vendin e dytë në kampionatin ndërkombtar “Albania Open” në sportin e Brazilian Jiu-Jitsu.
