“Protestuesit dje u arrestuan në trotuare, pa bërë shfaqje dhune!”/ Ironizon mjeku Ermal Pashaj: S’më vjen çudi që të dalë një VKM ku veza të quhet si “armë e ftohtë”!

Mjeku Ermal Pashaj ka komentuar në News24 protestën e zhvilluar një ditë më parë, duke u ndalur te prania e shtuar e forcave të policisë, arrestimet e protestuesve dhe përdorimi i vezëve gjatë tubimit.

Pashaj tha se gjatë protestës kishte vënë re një nivel më të lartë sigurie pranë Parlamentit, ndërsa theksoi se nuk pati përdorim të gazit lotsjellës.

Read more:“Protesta s’do as Ramën as Berishën! Partitë të gjejnë një figurë të re që i përbashkon”, Agim Baçi: Opozita, duhej të ishte institucioni i shpresës, por ka rënë!

“Do ta shihja në një plan pak më tutje. Dje isha në pjesën e pasdites, për shkak të profesionit. Niveli i shtuar i sigurisë rreth Parlamentit binte në sy. Kam parë në rrjetet sociale një armatim të policisë. Kishte më shumë se herët e kaluara, por nuk pati përdorim të gazit lotsjellës. A është ky një element që duhet ta bëjë më të vështirë vazhdimin e protestës?! Në fund të ditës, ajo që ka rëndësi është kauza, që mendojmë se është e drejtë. Numrat më të pakët apo më të shtuar të policisë dhe të protestuesve do ta bëjnë më të vështirë arritjen e kauzës, pasi sido që të jenë numrat, kauza është fituese.”, tha ai.

Duke folur për arrestimet, mjeku u shpreh se protestuesit, sipas tij, janë shoqëruar nga policia edhe kur ndodheshin në trotuare dhe pa shfaqje dhune.

Read more:“Në shah mbreti mbrohet deri në fund dhe sakrifikohen ushtarët”/ Këlliçi llogari Nufit për kontratat e prodhimit të armëve: Heshtja nuk të shpëton nga përgjegjësia, pyet dhe shefe Belën

“Ndryshe nga herët e tjera, protestuesit janë arrestuar në trotuare, pa gjenezë të dhunës. Forcat e policisë kanë bërë arrestime që para 10 ditësh janë quajtur të paligjshme nga gjykata. Mundohem të mendoj narrativën e policisë. Ajo veza më shumë sesa respektin, asgjë tjetër nuk sjell. Protestues u arrestuan se kishin vezë në dorë. Veza po kthehet në precedent. S’më vjen çudi që të dalë një VKM që veza të quhet si “armë e ftohtë”.”, shtoi Pashaj.

Pashaj u shpreh se protesta do të vijojë, ndërsa komentoi edhe qëndrimin e diasporës ndaj zhvillimeve në vend.

Read more:35-vjetori i rihapjes së Kryegjyshatës Bektashiane/ Baba Mondi: Ajo që mbijeton përmes besimit, trashëgohet! Komunitetet fetare bëjnë apel për dialog e solidaritet (VIDEO)

“Njëherë Rama e shan protestën, u turrën për të sulmuar numrat. Dhe tani thonë: kemi të drejtë. Por protesta do të vijojë dhe diaspora do të na bashkohet. Diaspora vjen në shtëpinë e vet, të mençurit duhet të dalin të flasin. Zoti Rama po tenton që të marrë narrativën e protestës dhe të dalë në krye. Nuk mendoj se është i sinqertë. Hedhja e fajit te të tjerët, është e gabuar. Pa demokraci të brendshme, ti e admirojë PS e para 10 viteve, me njerëz të artikuluar. Këtë se shoh më në PS. Të gjitha mbledhjet janë transmetuar live në tv e partisë. Këtu ka nënshtrim të autoritetit të kryetarit të partisë. Administrata duhet të konsolidojë veprimet e veta.”, pohoi ai.